Mánudagur, 09. ágúst 2010
Bloggið sem sýgur blóð: I
Er kominn á kaf í Salem´s Lot eftir Stephen King og var eiginlega búinn að gleyma því hversu skemmtileg bókin er, á þessum tuttugu og eitthvað árum frá því ég las hana fyrst. Í upphafi bókarinnar birtir King fyrstu málsgreinina í hrollinum The Haunting of Hill House, eftir Shirley Jackson, frá árinu 1959. Vel viðeigandi þar sem King lætur vampíruna sína flytja inn í hús sem talið er reimt af íbúum Salem´s Lot.
Blóð Íslendinga er góður drykkur!
Sunnudagur, 08. ágúst 2010
Drakúla greifi vitjaði mín í draumi í nótt í ósköp skemmtilegri smásögu sem ég mun nú aldrei nenna að skrifa en það er samt gaman að segja frá því að þegar fer að þrengja að hinni fornu blóðsugu í heimalandinu kemur hún sér fyrir á Íslandi. Hvar annars staðar?
|
|
 |
 |
Furðuleg leið mömmu til að koma í veg fyrir sjálfsmorð mitt
Sunnudagur, 08. ágúst 2010
Ég er og hef alltaf verið mömmustrákur þannig að ég fór auðvitað til mömmu að grenja um daginn þegar blankheit og hungur voru að sliga atvinnuleysingjann andlega. Mamma er búinn að vera hjúkka í rúma þrjá áratugi og hlustar ekki á neinn barlóm þannig að hún steikti handa mér þorsk og keypti svo íþróttaskó handa mér daginn eftir.
Getur Jón Gnarr gert mig graðan?
Laugardagur, 07. ágúst 2010
Bloggið sem segir sex: X
Ég hef ekki hætt mér út úr bönkernum í dag fyrir utan jú að ég skaust út í Bónus og bakarí og beint aftur heim. Það er samt ekki beinlínis hómófóbía sem veldur því að ég held mig fjarri gleði og gaum þegar Gay Pride-gönguflokkurinn gengur laus. Síður en svo enda er ég svo öruggur í mínu kynlutverki að ég get meira að segja fúslega gengist við því að mér finnst sumir karlmenn beinlínis sexí vegna þess hversu fallegir og karlmannlegir þeir eru.
Viðskipti mín við Catalinu
Föstudagur, 06. ágúst 2010
Þegar ég var beðinn um að taka þátt í að skrifa ævisögu hinnar mjög svo umdeildu Catalinu sem kennd er við Miðbaug gat ég ekki annað en slegið til. Fyrst og fremst vegna nánast sjúklegs áhuga á skuggahliðum mannlífsins og þá ekki síst því seg gott fólk kallar "undirheima".
