Erlendur vinur minn hringdi til að ræða málin. Hann sagðist nú ekki alveg tilbúinn að fara út til Brentwood að brjóta upp gólfin hjá Jóni Óttari til að leita að Stellu handritunum. Erlendur sagðist vissulega hafa fullan hug á að leysa málið, en Tóti Tittur þyrfti að undirbúa það betur áður en hann legði í ferð til Kaliforníu.

Organistinn er sammála. Það er varla þess virði að pissa á teppið hans Jóns Óttars fyrr en góðar sannanir liggja fyrir að Jón Óttar sé The Big Lebowski frekar en The Dude.

Erlendur spurði hvers vegna Jón ætti að þurfa huldunafn fyrir Stellu Blómkvist því Stella sé nú minna hneyksli en flest sem Jón Óttar hafi gert í gegnum æfina og ætíð undir fullu nafni? Jón Óttar hafi til dæmis verið að nauðga öreigum Íslands með því að selja þeim Herbalife í píramída skema.

Þarna er laus hnútur í röksemdafærslu Tóta Titts.

Sem sagt, Tóti, þar er kominn tími til að þú notir háskólanámið og farir útí svolitla forensic bókmenntavinnu. Það er ef þú vilt sjá Erlend káfa á lærunum og fletta pilsinu upp um Stellu.

Annars kom gömul saga uppí huga Erlends. Um mann að nafni Jón sem bar póst á Vestfjörðum á fyrri hluta síðustu aldar. Hann lenti undir stóru snjóflóði og var týndur í þrjá daga í stórhríð áður en gerð var leit af honum. En svo brá við að þegar Jón varð var við björgunarmennina, þá gróf hann sig enn dýpra til að hann uppgötvaðist ekki þetta fljótt. Honum fannst hann ekki hafa þjáðst nóg. Gróf sig svo sjálfur út tíu dögum seinna, gekk niður í þorpið, þáði kaffi og kleinur, og hélt áfram að bera póst á Vestfjörðum eins og ekkert hefði í skorist. Eftir þetta var hann alltaf kallaður Jón Óttalausi.

Sæll Organisti og til hamingju með nýja árið.

Það er mýmargt til í þessu hjá þér og sjálfsagt heldur kenningin ekki vatni. Datt bara ekkert annað í hug til að skrifa um. Það má þá bæta því við að ég er meðvitaður um það að Jón Ó Tar þarf ekki að skrifa neitt undir nafnleynd í ljósi þess sem hann hefur þegar birt undir nafni. Burðarbitinn í kenningu minni er hins vegar sá að ef það væri opinbert að hann er Stella myndi ekki nokkur maður kaupa bækurnar sem vitaskuld njóta svo athyglinnar sem fylgir nafnleyndinni.

Játa mig samt sigraðan.

Það var alls ekki meining Organistans að "sigra" þig. Enda finnst mér bráðskemmtileg og spennandi hugmyndin að Jón Óttar sé Stella. Sjálfur hefur Organistinn hvorki lesið Stellu né Jón Óttar (en mun bæta úr því næst þegar hann dvelur í sumarbústað á landinu) og getur því ekki dæmt um líkindin milli Stellu og Jóns.

Sem mótrök gegn Erlendi er ekki erfitt að ímynda sér að það hljóti að vera erfitt að birta undir nafni -- period -- eftir að hafa fengið á sig dóm eins og Árni Blandon deildi út til Jóns Óttar.

En í fyllstu alvöru: er enginn á landinu sem hefur velt fyrir sér og skrifað um höfundagreiningu byggðri á stíl, orðfari og slíku? Ég veit ekki hversu góð þessi fræði eru, en þau eru vissulega til.

Með kveðju um gleðilegt nýtt ár,
Organistinn