Sérvaldar setningar í boði Stormskers:

"Eina alvöru bomban sem Hussein mun eignast er sú sem hann fær í hausinn frá Bush."

"Það má minna á að Jesú fæddist í fjárhúsjötu, ekki þeirri ríkisjötu sem prestarnir vilja vera á."

"Ætli trúarofstækismenn séu ekki sterkasta sönnunin fyrir því að maðurinn og apinn eigi sameiginlegan forföður svo það er ekkert skrítið að þeir skulu vera svona sólgnir í að kveikja í Darwinsbókinni sem fjallar um þessi viðkvæmu fjölskyldumál."

"Það er aðeins eitt dýrmætara en heilsan - tóbakið."

"Ástþór á ekkert útistandandi, nema augun."
"
Áfengið hefur áhrif, ekki bindindispostular."

"Tímaskakkir stjórnmálamenn ættu að láta fjöll í friði og einbeita sér frekar að nefinu á sér þegar þeim finnst þeir endilega þurfa að bora í eitthvað."

"Í útlandinu er páfi sem vinnur við að kyssa flugvelli og rétta úr höndinni útá svölum heima hjá sér."

"Það er gasalega vinsælt að heiðra minningu frægra söngvara með því að endurútgefa frægustu lög þeirra í flutningi annarra söngvara. Það er svona álíka smekklegt og viðeigandi og að reka afmælisbarnið úr eigin veislu eða heiðra listmálara með því að mála yfir myndirnar hans."

"Þegar svo loksins verður búið að fjarlægja flugvöllinn þá teysti ég borgarskipulagssérfræðimeisturunum fullkomlega til að klúðra þessu svæði svo að heildarómynd borgarinnar raskist ekki."

"Það lag sem trónir efst á Top 10 í öllum trúarsöfnuðum landsins er ekki Ó Jesú bróðir besti heldur að sjálfsögðu Money money money."

"Hverskonar draugar eru það eiginlega sem trúa á miðla?"

"Þegar andstæðingurinn á aukaspyrnu rétt fyrir utan vítateig þá safna þeir sér þétt saman og halda um slátrið á sér. Hálfvitar. Þeir eru ekki að passa á sér hausinn. Nei, þeir þurfa ekkert á honum að halda í fótbolta. En slátrið þurfa þeir að vera með í lagi ef þeir eiga að geta fengið eitthvað kikk út úr leiknum."

"Halldór Laxness sagði í einhverri bók að eiginkonan væri dýrasta hóran, og það má vel vera. Annars hef ég nú bara þegið kaffi hjá Auði."