off record: Hægri/Vinstri

Hægri/Vinstri

Þriðjudagur, 11. mars 2003

Í dag var leiðinlegt, eins og alltaf. Og þó? en who the fuck cares, anyway. Ég mátti gjöra svo vel að labba beina leið úr vinnunni í Háskólabíó þar sem það er tími til kominn að birta umsögn um Adaption. Það var svo sem ágætt enda þrusugóð mynd á ferðinni. Öllu verra er að þessir apaheilar í Háskólabíói ætla að hætta að sýna Lilya 4-Everí kvöld, þannig að ég verð að fara aftur í bíó á eftir. Það er mikið á mann lagt. En hvernig í veröldinni dettur þeim í hug að hætta að sýna myndinna þó einhverri Skandínavaleppalúðakvikmyndahátíð sé lokið?
Myndin er að raka inn stjörnunum og það orð sem fer af henni er að allir verða að sjá hana. Þá er nú best að taka hana úr sýningu. Vita mógúlarnir ekki að þetta er Moodyson mynd og þeir hafa sýnt bæði Fucking Amal og Tilsammans á almennum/eða Filmundar(RIP) sýningum vikum saman?

Það er alltaf sorglegt þegar menn láta undan þrýstingi þjóðfélagsins, markaðsaflanna og klukkunnar og byrja að læra á bíl á gamals aldri. Dr. Gunnni er víst búinn með nokkra tíma og þar með er síðasta vígi Hulla fallið og hann er að hugsa um að byrja líka að læra á bíl.
Ístöðuleysið hefur alltaf verið mín mesta dyggð og því byrjaði ég að læra á bíl strax og ég hafði aldur til, þó ég kynni ekki muninn á hægri og vinstri.

Ökukennarinn var geðstirt skoffín sem öskraði alltaf upp í eyrað á manni þegar maður tók vitlausa beygju. Þess vegna gleymi ég því seint þegar hinn magnaði Illugi Jökulsson tók næsta tíma á eftir mér, þá 28 ára. Hann hafði ekki ekið lengi þegar hann fékk skipun um að beygja í aðra áttina en gerði sig líklegan til að fara í hina. Kallinn ætlaði að eipa og byrja að garga eitthvað um hvað það ætti að þýða að kunna ekki hægri og vinstri. Illugi var bara ekki rétti maðurinn til þess að dissa fyrir slíkt og gerði honum það ljóst á sinn yfirvegaða hátt í örfáum setningum að einhverra hluta vegna hefði hann komist í gegnum lífið, hingað til, án þess nokkurn tíma að þurfa að kunna hægri og vinstri.

Þetta var stór dagur og ég er enn þann dag í dag að rembast við að kunna ekki hægri og vinstri. Til hvers? Er einhver munur?

| 20:21 |

komment

Hvernig fannst þér þessi litla sæta saga Rebbi minn?

Nr. 1 | Tóti sjálfur | 11.03.2003 | 20:25:42 | [+] |

"...Rebbi minn"!

Maður er farinn að fara hjá sér yfir þessum ástajátningum milli ykkar Loka hér á Badabing. Hvað er næst? Kveðjur í Lög Unga Fólksins? "Tóti krútt fær geggjaðar ástarkveðjur frá Refinum Loka með laginu You are the sunshine of my life með Stevie Wonder."

Ekki furða að anna-punktur-ís sé óhress með nethjónaband sitt þessa dagana.

Tóti: mundu geðorð númer 6. Ástarsamband við Loka gerir ekkert nema að reima rembihnút á trosnað líf þitt. Þess utan mun Loki bíta þig í rassinn þegar þú átt þér einskis von.

Kveðjur,
Organistinn

Nr. 2 | organistinn | 12.03.2003 | 6:14:36 | [+] |

Það er alltaf gaman að ferðast um heiminn gegnum huga organistans. Hvað hann ekki veit? Svona lítill Einar Benediktsson. Veraldarvanur á jafnt Boulevard Haussman í París eða Ku'damm í Berlin. Mér líður alltaf eins og frelsuðum manni eftir skeyti hans.

Það þýðir lítð að spyrja Refinn Loka um skáldskap, Tóti. Þetta er bara einföld sál sem heldur uppá Gylfa Ægisson og "Jibby jei, jibby jibby jei", Manchester Unitited og U2. Já, svona rétt eins og nágranninn í númer níu.
"Tíminn og vatnið" sem er eitthvað það mesta bull sem ég hef lesið á íslensku.

Nr. 3 | Refurinn Loki | 12.03.2003 | 7:21:41 | [+] |

Organisti: Þakka þér fyrir að halda Tóta við efnið með að minna hann á geðorðin og passa upp á að hann eltist ekki við refi né tófur. Það er nóg að hann sjái sköp í öllum hornum/veggjum/mjólkurfernum, þetta er verulegt vandamál í fjölskylduboðum. Þakka þér einnig tillöguna með lagið. Ég mun nota það sem lag vikunnar næstu viku, tileinkað þér.

Loki: Endilega sendu mér öll lög sem þú átt með Gylfa Ægissyni. Maðurinn er snillingur.

Nr. 4 | anna.is | 12.03.2003 | 14:55:11 | [+] |

skrifa komment