off record: Ég og Vodafone

Ég og Vodafone

Þriðjudagur, 22. apríl 2003

Sýnist á öllu að ég verði að skipta um símafyrirtæki. Þetta Og Vodafone dæmi er svo skelfilega uncool að ég er enn að ná upp í það. Sjálfsagt hefur einhverju markaðsviðundrinu fundist þetta bjóða upp á ótal skemmtilega möguleika á orðaleikjum og margræðni í auglýsingum. Ég sé þetta nú samt ekki og fæ ekki betur séð en að þetta muni helst koma af stað sögusögnum um að forstjórinn sé með mikilmennskubrjálæði: Góðan daginn ég er Óskar Magnússon forstjóri og Vodafone. Svo fékk ég SMS frá þessu og Vódafón um helgina: Gleðilega páska Og Vodafone. Páskarnir voru ekki rassgat gleðilegir og aldrei hef ég upplifað neitt gleðilegt Vodafone.
Þetta er rotið.

Ég þráaðist lengi við og vildi ekki fá mér svona GSM síma en gafst að lokum upp enda er þetta helvítis drasl atvinnutæki og jafn mikilvægt blaðamanninum og tjöruborin lungun. Byrjaði með númer hjá Tali (enda alltaf þótt ljóti skámeistarinn Tal flottur) þó Þórólfur hafi gert mér lífið leitt þegar ég var á bensínstöðinni og hann markaðsstýrði Esso og var með þá amerísku flugu á heilanum að kúnninn hefði alltaf rétt fyrir sér og klósettin ættu að vera hrein. Það skipti ekki máli. Prinsippið var auðvitað bara að skipta ekki við viðbjóðslegan Landssímann.
Þegar ég fór að vinna á Strikinu (sem Íslandssími RIP) átti fékk ég flott Íslandssímaforstjóranúmer og gat talað út í hið óendanlega án þess að borga og því ekkert annað að gera en að skilja við Tal. Svo rann allt draslið saman og nú hef ég bara tvo valkosti; Satans Landssímann eða hallærislegan Vódafóninn. Þetta væri krísa ef ég væri ekki þessi yfirvegaða týpa.

Nenneggi í bíó og veit ekki hvort ég eigi að leggja það á mig að lesa meira í Stupid White Men í bili. Pirrandi gaur þessi George W. Bush.

Hvernig er það annars með þessa tónlistarmenn. Ég vann með Gulla í Brain Police í tæp 2 ár og held ég hafi aldrei heyrt lag með sveitinni og nú sit ég á móti Bigga í Maus og hef ekkert heyrt af nýju plötunni. Eru menn ekki að standa sig í plögginu eða liggur rót vandans hjá mér? Ha, Laugurinn minn, svaraðu nú?

| 20:58 |

komment

Prinsippið á að vega þyngra en kúlið... og þegar um er að ræða Landssíma dauðans, þá er þetta auðvitað ekki nokkur krísa... a.m.k. ekki fyrir netverja, ég sem langrækinn netverji þarf miklu að gleyma til þess að versla ekki við Og Vodafone, eða hverja þá samkeppni aðra sem pirrað getur Landssímann.

Nr. 1 | geimVEIRA | 24.04.2003 | 0:12:53 | [+] |

Þú ert vandamálið. Hefur aldrei lagt þig eftir því að fá að heyra þetta í BP - ef svo væri þá væriru búinn að fara á rokk.is og sækja stuttskífuna Master Brain. Brain var í nettu dái samt á meðan við vorum að vinna saman, fyrir utan náttúrulega að ég held að þú sért ekki mikill rokkari.

Svo getur vel verið að þú sért rokkari af lífi og sál - átt leðurjakka og drekkur visskí. Það er í það minnsta góð byrjun.

Drullastu svo á Rokk.is og náðu í Jacuzzi Suzy (#1 hittarinn sem ég fékk verðlaun fyrir hérna um daginn :) og Taste The Flower sem fjallar annaðhvort um kvenlíffærið eða kannabisplöntuna - þú ræður.

Nr. 2 | Laugurinn sjálfur | 24.04.2003 | 18:26:43 | [+] |

Þetta er rétt hjá Lauginum. Það er við mig að sakast en ég er búinn að sækja þetta á rokk.is, sko mig. Það þarf meira en leðurjakka og viskí til að vera rokkari, það kemur frá hjartanu og ég er líklega búinn að missa það.

Get þó enn tekið prinsippið fram fyrir kulið só og vódafón it is. Sakaskrá Landssímans er lengri.

Nr. 3 | Tóti sjálfur | 25.04.2003 | 0:30:34 | [+] |

Ha! er rokkið ekki í hárinu? Hristum hárið bræður! Minnipokarokkarar verða bara að hrista skallann, sama hvað þeir klæðast miklu leðri og drekka mikið viskí, þá bætir það ekki að fullu upp hárleysið.

Nr. 4 | Dýri Brandsson | 25.04.2003 | 16:05:00 | [+] |

skrifa komment