Segi nú bara eins og Otto "It's Ke-Ke-Ke-Ken! Co-Co-Co-Coming t-t-o ki-ki-kill me!" Best að telja rollurnar þegar þær hafa skilað sér. Ég held að Framsókn t.d. hafi verið illilega vanmetin. Þeir eru reyndar með afar slakan lista eins og venjulega í öllum þéttbýliskjördæmum. Bensínstöðvarauglýsingin þín bjargar því ekki einu sinni.

Comrades!

Það sem hrjáir íslensk stjórnmál er urmull af rassvasaheimspekingum a la Otto. "Skynsemin ræður" féll með múrnum og síðasta Taðbrandinum sem sjálfsagt er þegar búið að urða á Íslandi. Hún er ekkert annað en límmiði í mölbrotnu perlugleiri í malarnámu suður í Hafnarfjarðarhrauni.

Var Tóti ekki að auki síðasti móhíkaninn sem gat blandað tvígengis?

Auðvitað er Framsókn vanmetin. Klíníska skilgreiningin er: "opin deild".

Puuuhhhhhhhhhhhhhhhh..................!

Tony Clifton
On a lost highway.....slipping towards insanity.

ps. Organisti: áttu Hammond? Geturðu tekið Jimmy Stewart's sóló í "Walk on the wild side"?

Hananú! Er TC, "The Blast from the Past", mættur? Byrjaður á nóstalgíunni enn á ný. Hvað er næst? "Það eru töggur i SAAB" kannski?

Er það ekki Tóti sjálfur sem er expertinn. Búinn að dæla milljón lítrum af blýlausu og haft nægan tíma til þess að velta fyrir sér slógönum umboðanna. Úr því að Þórarinn Eldjárn gat kreist út smásögu um illa lyktandi borðtusku, þá ættu límmiðar í afturrúðum að vera innblástur í ritverk sem getur komið Íslendingum á blað sögunnar við hliðna á Tolkien og Rowling. Munið, Ísland er nafni alheimsins.

Það var aldrei töggur í Saab; þungir og leiðinlegir, sem ekkert annað en talkennarar og skólasálfræðingar óku í eftir stutta vetrardvöl í sænskum háskólum. Þegar bílaflotinn eltist var það í tísku að kennaranemar í trömpurm og riffluðu flaueli ækju um á gripunum. Flestir með grænan miða.

En aftur í límmiðana. "10 ára öruggur akstur" - blár miði stimplaður úr visnaðri hönd Samvinnutrygginga sló öllu við hér í den. "Töggur", "Fasteign á hjólum" og hvað þetta nú allt saman var og er blávatn við hliðina á þessum bláu miðum. Klúbbskírteini í Rótarí, Kiwanis, og Oddfellow.....puuuuuhhhhhhhh!

tc

Er byrjaður að lesa nýju söguna hans TC, "Icelandic Psycho", sem gerist fyrir vestan.

"Dimm ský lágu yfir fiskmarkaðinum, guðirnir voru í uppnámi. Poki af Fishermans Friend var ekki nóg til að bjarga stemningunni.... puuuuhh!"

Það var nú óþarfi að fara með alla söguna orðrétta á netið!

Viðkvæmar sálir gætu haldið að FF sé þunglyndislyf í stikkpilluformi.

Það verður ekki af TC skafið! Meðan við bíðum eftir fyrstu tölum, Godot eða whatever...

"Þetta land er eins og miðlungs Napeleónskaka" hugsaði TC með sjálfum sér þarna á bryggjunni. "Efst er þunnt lag af vitrænum glassúr. Það eru þær fáu manneskjur hér til lands sem vit er í að tala við. Svo kemur fjöldinn, fólkið, sem ekki kýs þetta sama fólk. Fjöldinn er eggjafyllingin. En allra neðst er huglaus og þurr botn. Hann samanstendur af vínarbrauðinu og snúðunum sem seldust ekki í síðustu viku. Stjórnmálamennirnir okkar. Þeir sem nota tíma sinn til að hneykslast á einhverju jafnómerkilegu og Spaugstofunni."

Og öllu skolað niður með byltingarkendum vöruþróunum í íslenskum landbúnaði, Eplajóga og Mangósopa.

Var nú annars með sandköku í huga, en uppskriftin í "Unga fólkið og eldhússtörfin" er léleg metafóra á við Naflajónskruðurnar. Hefði aldrei getað náð stjórnmálamönnunum eins vel og Loki. Enda hér við öflugan jarla á penna að etja.

Er andskotans sama um tölurnar. Sýnist allt benda til þess að við fáum kærur og klögur fram eftir öllu sumri. Gatakort-í-Florida-revisited.

TC!

Refurin Loki er ekki annað dapurlegur, slappur wannabe rithöfundur sem fær á kjaftinn frá öllum forleggjurum landsins. Eftir því sem ég fæ best lesið af skrifum hans hingað til... ömurlegur penni. Þetta sér meira að segja amatör í skrifum eins og þú.

Náði mér í einn kaldan áður en hægt er að svara þessu.

Hefurðu prófað að búa inni í afdal í nokkur ár og mæta svo í beinar útsendingar í sjónvarpi um bókmenntamál í hnéháum rúskinsstígvélum?

Það gæti hjálpað.

Ástarsögur Birgittu Halldórsdóttur hafa náð ótrúlegri útbreiðslu í sumarhúsum landsins; unga-saklausa-rauð-í-kinnum-sveitastelpan-sem-varð-fullorðin-á-einni-nóttu-í-borgarlífinu. Og nei, þær liggja ekki í viðarkörfunni hjá arninum.

Takk Loki!

Ég datt inn á Rás 2 sem byrjaði vel með blús, en er nú í Bubba...GCD. Fékk gæsahúð.

Næ mér í´meiri bjór og skipti yfir á Sögu.

Nokkrir Framsóknarbjórar og Tóti skrifar hressilegasta pistil ársins! Prósak er greinilega overrated.

TC: Nei tónar organistans eru annars konar og alls ekki víst að Clifton fíli þá.

En við eigum það sameiginlegt að styðjast við "Unga stúlkan og eldhússtörfin" sem situr í bókaskáp eldhúsins og er undirstrikuð frá Kvennaskóladögunum frúarinnar. Organistinn grípur stundum til "Ungu stúlkunnar" þegar virðulegur amrískir gestir koma í kvöldverð. Þá fer Organistinn inná bls. 9 -- í kafla sem heitir HIRÐING LÍKAMANS -- og snarar honum yfir á ensku fyrir gestina. Þar segir:

"Þvoið daglega andlit, háls, handleggi, undir örmum, fætur og að neðan. Gott er að baða sig daglega, en vikulegt bað er sjálfsagt. Hárið þarf að þvo á 7-10 daga fresti. Það veldur sjálfum þér leiðindum og öðru fólki óþægindum, ef líkaminn er illa hirtur. Líkaminn gefur frá sér svita og ýmis önnur úrgangsefni, sem setjast í fötin og lykta illa, þess vegan þarf að þvo fötin oft, sérstaklega nærfötin".

Við hinn enda borðsins roðnar Organistafrúin.

Anna!

Og uppfært í tíðaranda samtímans ætti sjálfsagt að standa:

"...Að vísu getur þú lært margt af þessu bRókarlaust, ef þú kannt að notfæra þér reynslu þína og annarra, en hversvegna skyldir þú baka þér alla þá fyrirhöfn?"