Talandi um Þórberg. Það mikla séní. Þórunn Hrefna er byrjuð að blogga af miklum móð. Hún les BadaBing! vegna þess að "það er eitthvað við hann". Ég er rígmontinn af þessu enda Þórunn úberkúl kvensa sem hefur stúderað Þórberg. Það er alltaf kostur í fari kvenna, sko. Sjálf veit hún örugglega minnst um það að við lentum saman í hópvinnu í Miðaldabókmenntum hjá Helgu Kress fyrir margt löngu. Ég komst í gegnum 4 ár í HÍ án þess að kynnast kjafti þannig að ég get ekki sagt að ég þekki Þórunni en ég veit að hún er kúl.

Mér tókst ekki mikið að spjalla við gömlu vinnufélagana mína (engin stórskaði svo sem Tóti Leifs var ekki þarna og Hól get ég hitt hvenær sem er). Eiríkur Hjálmarsson reykti pípu virðulegur mjög og við rifjuðum upp þá góðu páska þegar við unnum Spurningakeppni fjölmiðlanna. Græddum Mont Blanc penna (Eiríkur er nýbúinnn að týna sínum penna en ég var að finna minn) og tvö fyrstu bindin af Blikktrommunni.

Kata Júl. kastaði kveðju á liðið. Líklega sætasti þingmaðurinn á næsta þingi.

Annars lenti ég í klónum á stelpunum sem ég tók viðtal við á Te&Kaffi á föstudaginn. Þeim lá mikið á hjarta og vildu að ég næði í ljósmyndarann minn (Billa) veit ekki hvort þær voru heitar fyrir honum en held frekar að þær hafi viljað að hann keypti handa þeim bjór. Þeim fannst ölið fáránlega dýrt hérna og tölðu um að bjórinn væri dýrari en budgetið á heimildarmyndinni um álfana sem þær voru að taka upp.
Ég þvertók fyrir að kaupa handa þeim í glas enda upptekinn við að drekka frá öðrum en fékk samt tækifæri til að slá um mig með Lorelei (benefits of a classical education) eins og ég geri alltaf þegar ég er fullur og hitti Þjóðverja.
Fékk póst frá annarri þeirra í dag (sem þýðir að þær hafa komist heilar á höldnu heim, en vélin þeirra var alveg að fara þegar ég hitti þær) þar sem hún rekur á eftir mér að senda sér heil 3 eintök af Fréttablaði dagsins:

My dear best-of journalist,

Dörthe + Katinka (who I am quoting in realtime: "We had much fun with you that last evening before our departure")
(I agree)

Svo mörg voru þau orð. Ég er þreyttur, svangur, blankur, í vondu skapi og það er næstsíðasti Sópranós þátturinn í kvöld só fokk off.