 |
| 
| 
| 
| 
| 
| 
| 
|
32 ár frá falli Viðreinsar
Föstudagur, 13. júní 2003
Dagurinn í dag er svakalega sögulegur. Í fyrsta lagi féll Viðreisnarstjórnin þann 13. júní 1971 og Tóti blaðamaður kom í heiminn og er því 32 ára í dag. Hann er þunglyndur að vanda en það hefur ekkert með aldurinn að gera enda strákslegur mjög. Var að sjá það að enginn þótti nógu góður til að hljóta Bókmenntaverðlaun Laxness þetta árið. Alveg fann ég það á mér í vor að minn tími væri kominn (samkeppnin greinilega engin) en ég klikkaði á að senda sögu/smásagnasafn inn og hence engin verðlaun í ár. Ég er eiginlega alveg klár á því að ég hafi verið að vinna með barnaklámsmanninum á bensínstöð fyrir ca. 15 árum. Nafnið stemmir og þessi var líka lítill og stórundarlegur í útliti og háttum og hékk öllum lausum stundum í sumarbúðum og lagðist einu sinni svo lágt að klaga mig fyrir að sof a yfir mog og opna ekki stöðina á réttum tíma. Túlkaði svo yfirsvefn minn sem frí og fór í Vatnaskóg og lét mig sitja uppi með undirmannaða stöð. Greinilega maður sem er til alls líklegur og ef hér er um einn og sama manninn að ræða bætist hann í fyrrverandi vinnufélagagallerí mitt úr bensíninu sem inniheldur nú þegar dæmdan barnaníðing, morðingja og dópdílera í hrönnum. Mesta furða að maður er ekki skemmdari en maður er. Tveir stærstu fjölmiðlar landsins hafa bundist þagnarbandalagi. Þetta myndi hljóma fáránlega ef ekki væri um Ísland, RÚV og Morgunblaðið að ræða. En mér finnst samt ótrúlega lásí að miðlar sem kenna sig við "fjöl" skuli taka höndum saman um að þegja yfir frétt. Vill ekki einhver leka innihaldi bréfsins í mig? Tvær nýjar bíóumfjallanir. Þetta er alltaf að versna. | 14:24 |
komment
Til hamingju með daginn kæri félagi! Ég get ekki orða bundist þegar þú talar um sögulega afmælisdaga. Í þeim efnum tek ég þig algerlega í bakaríið. Ég er nebblega fædd 11. september 1971 og á þeim degi lést stórmennið Nikita Krúsjoff. Þrjátíu árum síðar....næneleven. Þá datt í vitundina það sem einn góður maður sagði: "Mér hæfir enginn dauðdagi annar en heimsendir..." Láttu ekki svarta hundinn bíta þig of fast. Nr. 1 | Tóta Pönk | 13.06.2003 | 19:46:38 | [+] |Tóti tc, organistinn og Loki hafa aldrei á sínum samanlögðum eitthundrað árum rekist á óhamingjusaman Heimdelling. Svo kannski þú ættir að íhuga félagsskapinn. Í tilefni dagsins tekur svo tc fyrir þig - If I had a hammer, I'd hammer in the mornin' - Nr. 2 | Refurinn Loki | 13.06.2003 | 20:23:12 | [+] |Tóti: Til hamingju með afmælið! Var ekki líka fullt tungl, eða nálægt því? Organistinn getur lofað þér bata ef þú hættir líka að drekka um leið og þú gengur í Heimdall. Og ef þú vilt fara að semja, þá nægir sennilega það fyrrnefnda. Nr. 3 | organistinn | 15.06.2003 | 8:16:58 | [+] |Tóti! Gratúlasjón! Loki: Skúsí, but það er ekki mikill aldurinn sem þú ætlar TC, rétt orðinn táningur, því bæði Loki og Organistinn eru komnir vel á fimmtugsaldurinn. Kannski eru þeir eldri? Fór á finnska plötuútsölu í vikunni og rakst á forláta CD með "Don Johnson Big Band" featuring "Organistinn". Í sama molli var að finna bláköflótta pottaleppa saumaða í Lapplandi "crafted by Refurinn Loki". Lyppaðist niður. Fannst ég vera gamall. Fór út á götu og spilaði Rolling Stones útgáfuna af Red Rooster á loftgítar. Kom til mín ítölsk stelpa frá Napolí. Sagði "skúsí" og bauð upp í dans. tc Nr. 4 | Tony Clifton | 15.06.2003 | 16:13:43 | [+] |Gratúlera!! Gæfa Íslands felst í því hversu lítið af trjám er þar. Það gerir mönnum erfiðara fyrir með að hengja sig. Nr. 5 | alanhudson | 16.06.2003 | 16:56:44 | [+] |LOL ekki svo slæmt, þetta var útúrsnúningur úr ágætri smásögu sem ég las fyrir margt löngu. Í þau fáu skipti sem Hudsonhjónin hafa haldið upp á langlífi sitt hefur alltaf verið glatt á hjalla. Þau eru hinz vegar afar löt við partístand og það stúss. En í dag er 17. júni. Þá minnast Hudsonarnir Jóns Sigurðssonar og Ingibjargar konu hans, og náfrænku. Svo er borðfáninn dreginn fram og horft á hann um stund meðan kaffið er sötrað. Community kaffi, besta kaffi sem USA hefur upp á að bjóða. Nr. 6 | alanhudson | 17.06.2003 | 14:28:43 | [+] |Ég man ekki lengur hvernig gulur Bragi er á bragðið. Mig minnir samt að þar hafi verið þaulsætinn og hvimleiður Akureyrarframsóknarkeimur. Community kaffið er hins vegar kapítalísk afurð út í gegn og hressir, bætir og kætir í beinu hlutfalli við sinn eðaluppruna. Nr. 7 | alanhudson | 17.06.2003 | 17:18:12 | [+] |Auðvitað mætti ég að vanda í gamla ylfingabúningnunum niður á Austurvöll að berja augum vor stóra leiðtoga, Michelinmanninn. Við eigum okkur draum, ég og hann: Í tilefni dagsins ekkert kaffi, bara Sambuca. Nr. 8 | Refurinn Loki | 17.06.2003 | 18:37:42 | [+] |skrifa komment
|
 |
First Aid
Mjölfiðlar
Bloggar
shit and stuff
|