 |
| 
| 
| 
| 
| 
| 
| 
|
Á vegum úti - Á villigötum
Þriðjudagur, 29. júlí 2003
Fór með Dodda upp í sveit um helgina. Iron Maiden og EGÓ eru greinilega málið á þjóðvegunum og fyrir eitthvert kraftaverk tókst mér ekki að skafa undan Ljóninu á malarveginum þegar bensínfóturinn þyngdist í takt við Run to the Hills. Þessi ferð var samt hið mesta feigðarflan þar sem frjókornaofnæmið bar mig ofurliði og ég hef verið rúmfastur síðan á sunnudag. Ég veit auðvitað að malbikið er mitt varnarþing og að mér er bara óhætt innan 101 og 107. Voðinn er vís alls staðar annars staðar. Það er mjög mikilvægt að menn viti á hvaða svæðum þeir eiga að halda sig í lífinu. Sorglegt dæmi um hið gagnstæða er nýjasta R-listafíaskóið en það segir sig auðvitað sjálft að maður sem starfað hefur í efri lögum valdapíramída íslensks olíufélags getur aldrei gengt opinberu embætti án þess að í það minnsta smá olíubrák skekki yfirborðskennda glansmynd hans. Sjálfur seldi ég bara bensín og klámblöð fyrir Essó í ellefu ár og myndi samt hugsa mig um þrisvar áður en ég tæki heiðurssæti á framboðslista Sjálfstæðisflokksins eða embætti á vegum heilalausra vinstrimanna sem myndu ekki þekkja lýðræðið þó það birtist þeim í draumi. Þegar maður keyrir heim með bólgin augu, nefrennsli og hausverk er gott að hafa Duran Duran og Rammstein í geislaspilaranum á víxl. Það kemur þessu svo ekki á nokkurn hátt við að ég las fimmtu Harry Potter bókina um daginn og fannst hún bara ekkert spes. Sú fyrsta var á mörkum þess að vera leiðinleg og þessi um Fönixregluna sver sig í ætt við hana og gefur The Prisoner of Azkaban og The Goblet of Fire mikið eftir. Þetta er auðvitað ekki alslæmt og það er til dæmis sterkur leikur að gera Pottersengilinn að óþolandi gelgjusvíni og undirstrika vitsmunalega yfirburði Hermione yfir stráknum sem getur ekki séð við Voldemort þó hann eigi í andlegu sambandi við hann sem á sér helst hliðstæðu við blóðblöndun Dracula og Minu Harker forðum. Þarna liggur kannski helsti galli þessara annars ágætu bóka; það er aldrei neitt nýtt að gerast heldur er magnaður upp nornaseiður úr upphituðum afgöngum enskrar bókmenntasögu. Þegar vel tekst til er ekkert við það að athuga, spyrjiði bara T.S. Eliot en stundum brennur sullið við. | 21:50 |
komment
Heill og sæll Tóti, Annars slagið fer ég í gegnum pistlasafnið hjá þér, það er ansi fínt handbragð á mörgum þeirra. Rakst á umfjöllun um Kastljósþátt með Árna Johnsen. Fjandi vel skrúfaður saman, hnyttinn en samt to the point án þess að vera yfirdrifin. Taktík hægri manna við svona pistlum er alltaf sú sama. "þetta er eitthvað persónulegt hjá stráknum, hann er bitur og súr..." og þar fram eftir götunum. Einasta framlag þeirra til íslenkrar blaðamennsku er að kenna okkur lesendumað hata einstaklinga eða ákveðna pólitíska hópa. Það er að það eina sem þeir geta samaeinast um, að því er virðist. Hafðu það gott í sumar! Nr. 2 | Refurinn Loki | 1.08.2003 | 6:22:13 | [+] |Loki: Hmmm, kóinsidens -- þú ert hér að leggja fram pönslænið í bréfinu frægja úr Eyjum! Varst þú sendur í sérverkefni vestur á Snæfellsnes fyrir helgi? Hvenær byrjar sísonið aftur? tc Nr. 3 | Tony Clifton | 5.08.2003 | 22:47:43 | [+] |Sæll TC, Sé að þú hefur lifað af Svíþjóðartúrinn, kannski fundið einhverja gamlar Volvokryppur eða Amazona í Smálöndum? Skrepp hvenær sem færi gefst í frí þangað. Fæ mér kanó og tek með mér tjald og hverf inn í skóginn í viku. Það hafa verið soddan hitar hérna í sumar, að það verður ólíft í bæjunum til lengdar. Sýnist sama veður ætla að haldast út ágúst. En maður sýnir sjálfsagt á sér fésið hérna með haustinu, ef Tóti heldur sjoppunni áfram opinni hér. Nú veit ég ekki mikið um svona meðferðir, hvort þetta er svona upplegg, þar sem dagurinn byrjar með því að allir sitja í hvítri baðkápu í hring með einum eða tveimur ráðgjöfum, og svo byrja menn á einhverri innri skorsteinshreinsun. Það er náttúrulega fín lína í þessu, það má ekki brjóta fólk svo mikið niður að það byrji að skammast sín of mikið. Enda er það ekki praktískt að skammast sín. Skömmustan er jú uppfundin af þeim kristnu, og ansi hentugt verkfæri í kunnugum höndum. TC er nú alltaf að tala um einhverja Flórídaþurrkun annað slagið, karlinn talar reglulega um þetta eins og að kaupa inn í Wal-Mart. Kannski er það einhver Minnesota-útgáfa, bara veit það ekki. Hann getur kannski upplýst okkur nánar, ef hann kærir sig um. Hafið það gott, félagar! Nr. 5 | Refurinn Loki | 7.08.2003 | 7:38:30 | [+] |Sæll Loki Lifði af og gott betur en það. Gæti allt eins fundið upp á því að gerast Svíi; rautt hús, tákn ástarinnar, úti í guðsgrænni náttúrunni, stutt í vötnin, stutt í kanóana. Gljáfægðir V70 bruna um sveitavegina. Leitaði sjálfur og fann fortíðina í sænksum gæðing. B20 undir húddinu. Rumm rummm. Fjögurra gíra. Stöngin vegur 10 kíló. Krómuð. Ég gat ekki sagt nei þegar ég sá hann fyrst. Ekkert aircondition. Engin helvítis elektrónísk kvekja. Enging samlæsing. Og engar afborganir. Aftur til raunveruleikans; það besta sem hægt er að gera á heitu ágústkvöldi er að rölta inn í Wal-Mart og fá sér eina meðferð. Svona Minnesóta. Var staddur á samkundu um daginn -- það er kannski best að viðurkenna það, ég sat í hvítum frotteslopp í hring með rauðbirkinn ráðgjafa við enda borðsins -- og þar kom fram að ég ætti ættir að rekja til Íslands. Þerapían leysist upp í mjög áhugaverða sögu um það hvernig Minnesóta-aðferðin barst til Evrópu. Mér varð hugsað til Tupperware, Herbalife, fótanuddtækjanna, blómafræflanna og gerilsins góða. Það var nefnilega svo, að íslenskur flugstjóri var í millilandaflugi. Gaman gaman. Lenti svo heilu og höldnu heima. Hringdi niður á skrifstofu og bað "stelpurnar" um að hafa samband við San Fransisco, því hann hefði gleymt logbókinni sinni þar. Honum var tjáð, að einungis væri flogið á austurströndina. Hann kynnist Minnesótakúrnum og sem hefur bjargað mörgum síðan. Sagan segir að hann hafi byrjað í Finnlandi, enda margt sameiginlegt með þeim og íslendingum hvað drykkjuvenjur og skapferli varðar. Nú svo var haldið niður gervalla Evrópu................ Þessi saga gerði TC að þjóðhetju fundarins. Þegar líður lengra á sumarið fer þessum ríröns að ljúka. Sjáumst aftur 5. september. Tony Clifton Nr. 6 | Tony Clifton | 7.08.2003 | 20:29:52 | [+] |skrifa komment
|
 |
First Aid
Mjölfiðlar
Bloggar
shit and stuff
|