off record: Úff - ókeypis bjór

Úff - ókeypis bjór

Fimmtudagur, 28. ágúst 2003

Fór á Sweet Sixteen, opnunarmynd Breskra bíódaga, áðan. Frír bjór auðvitað og þetta var því fyrsta skiptið sem ég feisa ókeypis áfengi eftir að ég kláraði meðferðina.
Fyllibyttuyfirbragðið er líklega ekki alveg farið þar sem stelpan á barnum var búin að opna flöskuna mína þegar ég átti enn dágóðan spöl eftir að borðinu.

Tókst samt að segja "nei, takk." Það var ekkert svakalega erfitt og ekki get ég sagt að ég hafi fundið fyrir yfirþyrmandi löngun, en ég ætla heldur ekki að neita því að ég fann fyrir nokkrum óróleika framan af myndinni.
Ég er semsagt að kynnast því hvernig er að vera óvirkur alki í þessu fokkings neyslusamfélagi en það var auðvitað ekki boðið upp á neitt óáfengt.
Poetic justice. Hvað ætli ég sé búinn að hlæja að mörgum svona kvikindum í gegnum árin sem væla yfir því að það sé aldrei óáfengt á borðum og þurfa að sérpanta súpur hjá Sigga Hall af því að það má ekki vera kampavín í þeim? The Emperor had not forseen this!

Ég er þreyttur en er að spá í að vaka eftir endursýningunni á Kastljósinu. Sá að félagi Hafliði var þar þegar ég rauk út í bíó áðan. Hlýtur að hafa verið að tala um Kolkrabbann. Það er gott að hafa Hafliða innan seilingar þegar sjávarkvikindi í viðskiptalífinu eru að deyja.

| 23:47 |

komment

Tóti, það er gleðilegt að sjá hvað þetta gengur vel hjá þér. Tengill yfir á AA er auðvitað sjálfsagður. En var ekki full langt gengið að biðja Gunnar Smára um leyfi til að setja á lóð Fréttablaðsins 4ja tonna bjarg með sporunum tólf útskornum.

En af hverju ert orðinn svona næs eftir að þú hættir að drekka? Það er fullt af óvirkum alkóhólistum sem eru rætnir og nasty.

Nr. 1 | Organistinn | 30.08.2003 | 4:09:42 | [+] |

Tóti ætti kannski að skrifa bók um þessa reynslu sína. Það er fullt af ísleskum bókum sem fjalla um ekki neitt. Til dæmis Gæludýrin eftir B.Ó., sem fjallar um einhvern kall, sem felur sig undir rúmi í tvöhundruð blaðsíður af því hann hefur fengið einhvern stebbafr. karakter í heimsókn. Heil skáldsaga um mann sem liggur undir rúmi. Fyrir utan að vera tilbreytingarlaus, þá segir sagan manni ekkert.

Nr. 2 | Refurinn Loki | 30.08.2003 | 16:53:53 | [+] |

skrifa komment