Tóti er hættur að drekka og er það gott. En það er greinilega enginn bati án aukaverkana því drengurinn er farinn að leita að guði, blanda geði við Jón Steinar og Hannes Hólmstein, og orðinn gjörsamlega bitlaus penni. En kannski lagast þetta með tíð og tíma. Heilakemían hefur eflaust verið orðin gjörsamlega screwed up eftir allt þetta sukk.

Frétti reyndar að Tóti og Anna væru á leið til Vegas til að endurnýja hjúskaparheitið í kjölfar þess að Tóti varð edrú. Tony Clifton er búinn að redda drive-through kapellu og ætlar sjálfur að vera svaramaður ásamt Alan Hudson. Þeir eru búnir að panta stuttbuxnasmókinga á leigu. Organistinn verður í drag og mun halda uppi kjól Önnu. Refurinn Loki, klæddur eins og gönguskíðakappi úr Dölunu, ætlar að keyra gamlan limósín með öllu liðinu. Anna er búinn að panta að Kenni G verði spilaður þegar þau Tóti keyra inní kapelluna og svo Barry Manilow þegar þau keyra út eftir athöfnina. En aðallagið verður Whitney Houston lag, sungið af Önnu sjálfri ... and I I I I I I I I will always love you... Eins gott að taka með sér eyrnatappa.

Ahh sörfa. Hudsonarnir fóru að sjá þá ágætu mynd "Stepping Into Liquid" í liðinni viku. Mögnuð mynd um sörfara. Núna er Alan búinn að leggja drög að brimbrettakaupum þrátt fyrir öflug mótmæli frúarinnar sem hingað til hefur haft mest um fjármál heimilisins að segja. Hún hótar bæði að ganga út og hætta að elda. Það verður þá að hafa það. Einhverntíma verður maður að sýna hver ræður. Jafnvel þó það standi bara í nokkra stundarfjórðunga.

En Alan lofar að vera kominn í góða æfingu þegar brúðkaupið fer fram og mun skora á organistann að mæta sér við grynningarnar 100 mílur vestur af San Diego. Þar eru 60 feta öldur. Straubrettið sem organistinn hefur talið fullgott hingað til mun ekki duga þar.

Taktu ísskápinn samt með.

Alan:

Ekki hafði ég hugmynd um að það væri hægt að sörfa þarna niður í djúpa suðrinu. Kannski þú verðir fyrsti atvinnusörfarinn sponsoraður af Bubba Gump Shrimp Company.

Annars er brettið mitt ekkert straubretti. Einn nágranni okkar Chandlers er heimsfrægur sörfbretta smiður.