off record: Leikvöllur fyrir töffara

Leikvöllur fyrir töffara

Fimmtudagur, 06. nóvember 2003

Gunnar Smári er búinn að kaupa hræið af DV sem verður breytt í leikvölll fyrir töffara. Það er gott mál. Annars er ég hættur að fylgjast með þessu enda ekki stætt á að kjafta frá öllu sem ég veit hér og valta yfir Denna í leiðinni. Sit bara í miðju moldviðrinu umkringdur fólki sem getur leikið sér að því að gera drullugott blað úr DV.

Ég er vanur að halda upp á edrúafmælið í hverjum mánuði með sérstöku ritúali sem hefst á því að ég sest einn inn á Ljóta andarungann og drekk 2 kaffibolla og reyki 2 sígarettur og fer svo í Nexus og gef mér comixbók.
Breytti út af venjunni á 4 mánaða afmælinu í dag og fór með Jakob á París. Hann pantaði stóran bjór og trylltist úr hlátri þegar ég bað þungur á brún um pressukönnu með svörtu kaffi.
Það varð töluvert rennirí á borðið okkar enda við félagarnir óvenjuskemmtilegir þegar sá gálinn er á okkur en það er önnur saga enda allt sem maður heyrir&sér þessa dagana algerlega off record í verstu merkingu þeirra orða.

Sherlock Holmes og Hóras höfðu þetta að segja um stöðu mála á sínum tíma:

Populus me sibilat, at mihi plaudo
Ipse domi simul ac nummos contemplar in arca.

| 21:36 |

komment

Ekkert óeðlilegt við það að brúnin þyngist þegar menn kaupa sér pressukaffi á París, versta kaffið í Rvk, maður getur kátur pantað sér kaffi á brennslunni hinum megin við götuna. Prufaðu brennsluna næst.

Nr. 1 | dorinn | 6.11.2003 | 21:50:49 | [+] |

skrifa komment