Mánudagur, 01. desember 2003
Fékk fyrsta ljóð jólaljóðadagatals Ljósálfs í dag. Þetta er strangt tiltekið ekki jólaljóð sem hann byrjar á enda er 1. desember ekki bara fullveldisdagur Íslands heldur líka alþjóðlegur alnæmisdagur og eins og Ljósálfur orðar það þá er ljóðið sem hann "valdi fyrir þennan dag er eftir hana Védísi Leifsdóttur sem lést af völdum alnæmis í janúar 1993. Eftir hana liggur ljóðabókin Tímaspor, úrval ljóða sem hún orti frá 1981 – 1992 en þar er þetta ljóð að finna."
Þú komst
dróst svarta skýið frá sálu minni
gafst mér lítinn sólargeisla
örlitla von
um hlýnandi veðurfar