off record: Með hauspoka í IKEA

Með hauspoka í IKEA

Laugardagur, 20. desember 2003

Fór af illri nauðsyn í IKEA (einn af hringjum Vítis) í dag. Kaldsvitnaði af áhyggjum yfir því að einhver sem þekkti mig sæi mig þarna. Mér líður eins og smáborgara í kynlífshjálpartækjabúð þegar ég þarf að fara þarna inn. Hitti engan en ákvað samt að upplýsa þetta hér just in case ef einhver skyldi hafa séð mig og hyggst nota þetta gegn mér. Mæli með að IKEA láti hauspoka fylgja með kerrunum þannig að töff fólk sem hefur rep to protect geti notið nafnleyndar þarna. Greiddi að sjálfsögðu með reiðufé og var fljótur að forða mér.

Þar sem ég á börn get ég ekki leitt jólaviðbjóðinn með öllu hjá mér og þurfti líka að fara í Kringluna og miðbæinn. Slapp heill en ætla að horfa á Hard Boiled og aðra ofbeldismynd á eftir til að hreinsa sálina. Æðruleysisbænin er ekki nóg.

Fréttablaðið birtir ekki lengur Leiðréttingar á la EIR og ég læt því þessa sem Hafliði snillingur stakk upp á í gær fljóta með:

Að gefnu tilefni skal vakin athygli á því að Davíð ætlaði aldrei að nota Össur sem stoðtæki í eftirlaunafrumvarpinu.

Svo var þessi helvíti góð síðast þegar Geirfinnsmálið komst í hámæli. Blaðið er auðvitað sómakært og við þorðum ekki að birta hana:

Að gefnu tilefni er Geirfinnur Einarsson beðinn að hringja heim til sín.

| 23:13 |

komment

Tóti minn óttalega er þetta erfitt hjá þér; því ertu að gera þetta svona flókið?
Þetta snýst allt um æðruleysið og skemmtilegast við jólin er að fylgjast með gleði barnanna og vera með sínum. Þetta hefur verið hundleiðinlegt undanfarin ár eftir að skessurnar uxu uppfyrir alla trú á jólum og jólasveinum. Nú hef ég hins vegar Smára kallinn og nýt þess í botn að fylgjast með gleði hans og spenningi: Ekkert bakað, lítið þrifið, nokkrar ódýrar gjafir keyptar; náttföt á línuna og rúmföt. (kemur sér alltaf vel) Fer í búðir í á meðan fréttir eru í sjónvarpinu og vinn eins og skepna. Allt annað líf; maður á ekki að vera að stressa sig á þessu.
Mamms

Nr. 1 | Begga | 20.12.2003 | 23:32:05 | [+] |

Þetta er ekki nógu gott, hann nær aldrei í gegn svona. Það er búið að breyta símnúmerakerfinu amk 2x siðan Geirfinnur hvarf. Þú verður að láta númerið fylgja.

Nr. 2 | AlanHudson | 21.12.2003 | 5:51:39 | [+] |

Tóti:

Þetta eru góð ráð sem Begga gefur. Þess utan er það víst díagnóstískt fyrir smáborgara, að þeir hafi mikilar áhyggjur af því að fólk haldi að þeir séu smáborgarar.

Organistinn þekkir það líka vel að fátt er mikilvægara en að vera kúl. Og þar sem þú vinnur með EIR, Jakobi Bjarnar og Reyni Traustasyni er augljóst að þú ert undir gífurlegri peer pressure þegar kemur að kúlness. Einmitt þess vegna er mjög mikilvægt að þú haldir áfram að vinna með fimmta sporið hjá kúl-fíkna-samtökum:

5. Við játuðum afdráttarlaust fyrir Guði sjálfum okkur og trúnaðarmanni að IKEA húsgögn er mjög hentug.

Hannes Hólmsteinn hefur yfirstigið þetta spor og er frjáls maður. Lífið er miklu auðveldara eftir að maður sættir sig við að vera smáborgari.

Nr. 3 | organistinn | 21.12.2003 | 8:46:12 | [+] |

Það er nokkur kaldhæðni í því að maður að nafni Geirfinnur skuli týnast.

Nr. 4 | AlanHudson | 21.12.2003 | 11:26:39 | [+] |

Það eru bæði mannréttindi og foréttindi að sleppa við Ikea fyrir jólin. Eða bara í stórar búðir yfirleitt. Var sendur (-já, "var sendur") út í lítinn lókal súpermarkað á föstudaginn með stuttan innkaupalista. Það var engin "Home Alone" jólastemming yfir því. Leið þvert á móti eins og konu á breytingaskeiði í ólgusjó hormónasveiflna; svimaði, svitnaði, og fannst hillurnar ætla að éta mig lifandi. Skildi vel hvernig D-Fens leið daginn góða þegar allt stoppaði á hraðbrautinni í L.A.

Er farinn að hallast að því að lárétt staða hjá sála tvisvar í mánuði séu betri fjárfesting en búðarápið.

Nr. 5 | Tony Clifton | 21.12.2003 | 11:56:31 | [+] |

skrifa komment