off record: Fundarherbergi 115

Fundarherbergi 115

Miðvikudagur, 28. janúar 2004

Lagði lykkju á leið mína út í strætóskýli í morgun til að kaupa Kók á bensínstöðinni og missti fyrir vikið af númer 6. Allt of taugaveikluð týpa til að standa í skýli í 15-20 mínútur og lesa Fréttablaðið þannig að ég arkaði í átt að Bóksölu stúdenta til að taka einn af hundraðogeitthvað hraðvögnunum.

Beið þar hálfa sígarettu eftir 115 en akkúrat þegar vagninn mætti kom Mausi hlaupandi og það fyrsta sem mætti okkur í vagninum var Svanborg að lesa í bók. Vantaði bara Guðstein og þá hefði deildin mín öll verið mætt og við hefðum getað afgreitt morgunfundinn.
Í staðinn fórum við yfir það sem hefði mátt betur fara í blaðinu sem ég var með í Jurassic Park 3 töskunni minni og ræddum sársaukann sem fylgir því þegar auglýsingar ryðja efni af síðum. Blaðamenn og auglýsingasalar þrífast illa í sambúð, en þetta er svolítið eins og hjá venjulegum hjónum. Hvorugt getur án hins verið. Lífið er asnalegt.

| 22:01 |

komment

Nokkuð góð tillaga að þið rokrassabúar haldið fund í strætó; Guði slétt sama þó hann sleppi fundi ef ég þekki hann rétt. Þú getur þá þrælað liðinu almennilega áfram og það getur byrjað á mínútinni 9 að finna afmælisbörn og persónur og eitthvað sætt og eitthvað hrútleiðinlegt. Kalla þetta hagræðingu Tóts. Sakna ykkar samt og vildi vera með ykkur í þessu ati; en ekki í strætó vestan úr bæ. Samt gaman hinu meginn; frelsið sama sem algjört og meira segja hundar og aftur hundar komast fyrir.
Sjáumst á morgun
Mamms

Nr. 1 | Begga | 29.01.2004 | 2:09:47 | [+] |

JAhérna...alltaf rekst maður á eitthvað nýtt ;)

Nr. 2 | Lilja Gnarr | 3.02.2004 | 8:07:07 | [+] |

skrifa komment