He, he...En þú verður nú að fyrirgefa þýðendunum. Sopranós er svo hlaðið af pop kúltur referensum að fyrir venjulega organista á eyrinni þyrfti að annótera handritin, svona eins og Dantes Divine Comedy.

Hljómar eins og þú sért aftur kominn í Byroníska hetjuhlutverkið. Er þetta ekki bölvuð vitleysa. Ég kunni svo vel við pistlana í Fbl þar sem þú varst í Calviníska kvíðahlutverkinu.

í stórmyndinni steel þar sem hetjan shaq stendur sig frábærlega í aðalhlutverki er kona að fylgjast með honum og segir honum í gegnum headphones eða ekkva þannig hvað hann á að gera, svo koma löggur aftan að honum og konan segir "you've got official company" nema það er þýtt "þú átt skrásett fyrirtæki" :D

Ég hafði óskaplega gaman af þýðingavillu í "The Morning After" með Jane Fonda og Jeff Bridges. Þá kemur Jane Fonda sem er fyllibytta, illa áttuð og timbruð, út á bílastæði þar sem Bridges er á gamalli amerískri drossíu. Hann sér að hún er í vanda stödd, enda á flótta undan mafíósum og býður henni far. Hún gjóar augunum á hann og spyr "Er þetta einhvers konar pallbíll?" ("Is this some kind of pickup?")

Í þætti á skjá einum var það 10 ára stelpan sem kom til mömmu sinnar og spurði:
"Can I have highlights" og var þýtt: Get ég fengið aðalatriðin - barnið var að biðja um strípur í hárið...

man því miður ekki í hvaða mynd það var, en einhver slízí gaur var að reyna að pikka upp stelpu; spurði hana hvort hún vildi koma upp í toppíbúðina sína og skoða jakuxann sinn (come up to my penthouse and see my Jacuzzi)

Í heimildarþætti um U2 sem sýnd var á rúv fyrir nokkrum árum kom fyrir setning sem var einhvern veginn svona: "when they first started, Edge only knew three chords", sem var auðvitað þýtt: "þegar þeir byrjuðu kunni Edge bara á þrjá strengi."

Í Color of night með Bruce Willis var árekstur milli tveggja bíla. Einn sagði: „They give everybody a licence these days“ og það var þýtt sem „Þeir láta alla fá númer núna“.