off record: Fornar ástir

Fornar ástir

Þriðjudagur, 19. júlí 2005

Er búinn að vera að horfa á unorþodox Bond myndina Never Say Never Again í áföngum undanfarið. Irvin Kershner leikstýrði henni næst á eftir Empire Strikes Back sem gerir hana óneitanlega mjög áhugaverða.
Connery er helvíti brattur þó lítið hafi verið gert til að dylja aldur

hans. Fannst þessi mynd a.m.k. betri en Octopussy með Roger Moore en þær voru sýndar fyrir sömu jólin í bíó. Connery í Bíóhöllinni en Moore í Tónabíó. Moore var fyrsti Bondinn minn en Connery varð sá eini sanni strax eftir að ég sá Goldfinger á vídjó
NeverSay Never Again er samt ekkert spes, slagsmálaatriði stirð og alveg glatað þegar Bond og Largo keppa um heimsyfirráð í tölvuspili. Mátulega eitís. Þetta er auðvitað allt byggt á Thunderball enda er hún eina Bond bókin sem vafi lék á hver ætti kvikmyndaréttinn.
Klaus Maria Brandauer, sá ágæti leikari er líka allt of góðlegur fyrir Largo en Max Von Sydow smellpassar í hlutverk Blofeld. Í minningunni er Blofeldinn sem aldrei sést í From Russia With Love líka Sydow. Svíadjöfullinn er Blofeld.

Kim Basinger er voða sæt Domino en er litlaus og leiðinleg. Hún átti samt alveg skilið að ná lengra og komast upp í hjá Mickey Rourke í 91/2 Weeks en hvernig ég gat á sínum tíma verið skotinn í Barbara Carrera er mér hulin ráðgáta.

Morðkvendið Fatima Blush er bjánaleg persóna og Carrera er hræðileg leikkona. Ótrúlega phony. Hún er samt enn smá sexí, hún má eiga það en að finnast hún æði? Komon.
Rowan Atkinson er líka asnalegur í þessari mynd sem verður samt alltaf skemmtilegt utangarðsfyrirbæri í Bondfræðunum.

Meira um Barböru

| 20:53 |

komment

Fyrsta Bond myndin sem ég sá í bíó og sú eina held ég sem ég hef bara séð einu sinni. Var æði á sínum tíma og ég man eins og það hafi gerst í gær þegar Bond kálaði henni Fatímu þinni.... með penna var það ekki?

Nr. 1 | Gunni | 20.07.2005 | 12:12:02 | [+] |

Jú, penni var það heillin. Ógleymanlegt atriði þar sem Bondarinn sprengir hana með gölluðum byssupenna frá Q þannig að ekkert stendur eftir af Barböru annað en sviðnir skórnir.
Þessi dauðdagi er samt einmitt það tragískasta og ótrúverðugasta við persónu Fatimu. Hún er kominn með Bond á hén fyrir framan sig og ætlar að skjóta hann í punginn þegar hann segir henni að hún hafi verið besti drátturinn sinn. Fatima uppveðrast við þetta og hendir bréfsnifsi í 007 og krefst þess að hann handskrifi yfirlýsingu um að hún sé best í rúminu. Þar með fær okkar maður tækifæri til að munda pennann og BANG!
Til gamans má geta þess að Connery átti síðar eftir að redda sér með penna en það var í Indiana Jones and the Last Crusade þar sem hann leikur pabba Harrisons Ford og gerir nasista óvígan með því að sprauta bleki úr penna framan í hann.
Eins og sönnum Bondara sæmdi kom hann svo með klassískan one liner eitthvað í þessa átt: "The pen is mightier than the sword."

Nr. 2 | Tóti sjálfur | 20.07.2005 | 12:29:46 | [+] |

skrifa komment