off record: Drullaðu þér pestin þín

Drullaðu þér pestin þín

Mánudagur, 04. september 2006

Þreytandi þetta ófrávíkjanlega náttúrulögmál að maður skuli alltaf leggjast í pest á haustin. Þrátt fyrir langvarandi bindindi, reykleysi, grænmetisfæði og stífa líkamsrækt er ég steinlagstur, kaldsveittur með haus- og beinverki sem parkódín/íbúfenkokkteill vinnur ekki á. Hélt á laugardag og sunnudag að ég væri að ganga í gegnum verstu og lengstu þynnku sögunnar þangað til ég áttaði mig á að þetta var bara haustboðinn fúli.

Leiðindin sem fylgja þessu eru endalaus. Maður getur ekkert gert nema legið í móki yfir Stöð 2 sem er nú ekki alveg besta daytime TV í heimi, mann langar ekki í kaffi og verður flökurt við tilhugsunina um sígarettu. Að maður tali ekki um kostnaðinn sem fylgir þessu en eina leiðin til þess að fá ferskt og kalt Kók er að panta pizzu. TVeggja lítra Kók kostaði mig 1720 kall í dag. Ætli ég eigi rétt á heimahjúkrun?

| 20:36 |

komment

Vel þránað lýsi kemur svona lurðu furðufljótt úr manni.

Nr. 1 | AlanHudson | 5.09.2006 | 4:47:33 | [+] |

Þarna kemur skýringin á NFS uppákomunni á Pressan um helgina. Virkaðir hálf sloj og slappur. Annars er best að bryðja hvítlauk. Þeir hörðu tyggja hráan chilipipar - þessa rauðu og mjóu. Hreinsar alveg niður í botn.

Nr. 2 | Refurinn Loki | 5.09.2006 | 5:53:01 | [+] |

Kunni ekki við að nefna performansinn - en svarti leðurjakkinn fer foringjanum alltaf vel.

Nr. 3 | AlanHudson | 5.09.2006 | 6:36:25 | [+] |

Get ekki tuggið hvítlauk af trúarlegum ástæðum, og ekki chillipipar af prinsippástæðum (Jói Fel gerir það í auglýsingum). Performansinn er aukaatriði ef leðurjakkinn er í lagi.

Nr. 4 | Tóti sjálfur | 5.09.2006 | 20:38:38 | [+] |

skrifa komment