off record: Nojan

Nojan

Fimmtudagur, 12. október 2006

Bjarni Bernharður gaf mér Vélgöltinn, nýju ljóðabókina sína í dag. Bjarni veit sitthvað um nojuna sem er uppáhaldshugarástandið mitt. Í bókinni birtir hann þetta fallega ljóð um fyrirbærið:

Síðsumars greip hann óróleiki sem magn-
aðist upp er kom fram á haustið, uns úr varð
harða brjálsemiskast. Og innan tíðar bankaði
Nojan uppá. Sáust þess teikn á lofti um að
ekki væri allt með felldu í hinni fallvöltu
veröld.

Hann gekk með hníf innanklæða þetta haust.
Því vænta mátti árásar þá og þegar. Hann
þræddi slóðina einn í myrkri. Og sálarskipið
sigldi grynningarnar.

Alveg óvitlaust að svífa á Bjarna í Austurstrætinu og kaupa af honum Vélgölt. Já, við þetta má svo bæta að Bjarni segist sjá á mér að ég sé fluggáfaður, og að þær gáfur hafi ég frá honum afa mínum. Það hefur sennilega slegið ryki í augu skáldsins að linsurnar mínar eru búnar og ég var með skökku gleraugun mín í dag en þau þykja breiða ágætlega yfir almenna fávisku mína.

| 13:54 |

komment

Segi það enn og aftur, þú átt að vinna að markaðsmálum. Þú ert snillingur að selja þig sem eitthvað allt annað en þú ert. En ég hef gaman af...

Nr. 1 | Umbrotskvikindið | 12.10.2006 | 20:44:37 | [+] |

Alltaf hefur mér þótt það heimilslegt merki um ágæti íslensks réttarkerfis að Bjarni skuli rölta um göturnar og selja fólki ljóðbækur.

Nr. 2 | Jóhannes Þ. | 17.10.2006 | 19:34:50 | [+] |

skrifa komment