Fimmtudagur, 09. nóvember 2006
Hitti Gunna úr Blues Express um daginn. The bad white bluesman var helvíti hress enda er hann að smala bandinu saman aftur. Þó þetta væru sannarlega fagnaðarfundir vorum við ekkert að missa okkur í hamingju heimskingjans. Fórum aðeins yfir stöðuna á okkur og komumst að því að þó hún sé alltaf að breytast þá er hún alltaf eins.
"Þetta líf er eintómur blús alltaf hreint," sagði blúsmaðurinn en við létum það ekki draga okkur niður enda sammála um að lífið væri einskis virði ef ekki væri fyrir blúsinn sem gefur þessu öllu merkingu og gerir lífið þess virði að lifa því.
Jazz is gone and I´ve got the blues
