off record: Same shit, different year

Same shit, different year

Þriðjudagur, 02. janúar 2007

Fékk það sem alcoholics refer to as a moment of clairty um áramótin og áttaði mig á að það er löngu tímabært að hætta að blogga. Er búinn að fara marga hringi og er alltaf að skrifa það sama með einhverjum minniháttar varíöntum. Það er ekkert ósagt.

Forseti vor spreðaði venjum samkvæmt nælum á nýársdag. Fálkaorðan er orðin jafn merkingarlaus og kossinn sem kemur á eftir "já" við altarið og frasarnir "ég samhryggist" og "ég elska þig". Gerði þetta orðumál upp fyrir mörgum árum og get ekki orðað það betur nú.

| 17:43 |

komment

Ef þú dirfist að hætta að blogga þá, tja þá, þá geri ég eitthvað. Það er skelfileg tillhugsun að gera "eitthvað", ekki hætta að blogga!

Nr. 1 | AlanHudson | 7.01.2007 | 7:18:53 | [+] |

Nú, þú ert hérna enn Hudson minn. Blogg er víst skrifað af Ingjaldsfíflum fyrir örvita en á meðan amk einn ógalinn les þetta má vel halda þessu til streitu. Þú hlýtur samt að skilja tilgansleysið sem hellist yfir mann eftir að hvert einasta lúðakvikindi er komið á Moggabloggið og lítur á sig sem poppstjörnu fyrir það eitt að viðra fábreyttan þankagang sinn með illa skrifuðum bloggum og gróteskum stílslysum.

Þetta er eins og með Zippó kveikjarana. Þeir voru töff þangað til aumingjar sem aldrei hafa átt leðurjakka fóru að nota þá. Þá var ekkert annað að gera en fara að fordæmi nasista og nota gasið.

Maður getur þó sem betur fer tekið Egils leiðina og hafnað því alfarið að þetta sé blogg og haldið svo áfram að blogga með góðri samvisku þangað til Stefán Pálsson fær ósk sína uppfyllta og Moggabloggið verður í eyði lagt. En það mun rotna innanfrá og brenna í helvíti auglýsinga, drambs og heimsku þeirra sem þar þrífast.

Nr. 2 | Tóti sjálfur | 8.01.2007 | 20:18:43 | [+] |

skrifa komment