BUBBI ER EKKI FALLINN

Þetta er áfall!

Og menn þegja bara þunnu hljóði -- svo gott sem. Fyrst núna, þegar skaðinn er skeður, að það heyrist múkk í BÍ. Þegar að menn þar eru að rumska og átta sig á að þessi dómur hefur fordæmisgildi. Og þeir, farísearnir, gætu hæglega lent í sömu sultunni.

Þetta er fyrst og fremst móralskur dómur. Því ég trúi því bara ekki að þeir dómarar í hæstarétti séu þetta skyni skroppnir. Þetta er lýðskrumsdómur. Gott á helvítis slúðursorpskítapennana Eir og Gar. Þeir dómarar halda að þeir séu að þóknast lýðnum með þessu. Ég held reyndar að menn sem hlaupa á eftir óhljóðunum í heimskum lýðnum lendi fljótlega í ógöngum.

Það rísa á mér hárin þegar ég las dóminn og heyrið svo Sigríði Rut segja þetta í útvarpinu: Þetta átti ekkert erindi við almenning! Ætlar S. Rut að segja til um það hvað á erindi við almenning? Ætlar dómarar að kveða upp úr um það? Hvaða rugl er þetta? Hver ætlar eiginlega að takast á það verkefni að ákveða hvað á erindi við almenning og hvað ekki???

"Bubbi fallinn" fyrirsögnin er dæmd dauð og ómerk! Það sýnir kannski fyrst og fremst fáránleikann í þessu. Er Bubbi þá ekki fallinn? Að dómarar skuli virkilega komast að þeirri niðurstöðu að hægt sé að dæma blaðamenn á þeirri forsendur að einhver óskilgreindur gæti hugsanlega túlkað það sem sagt er svona en ekki hinsegin -- ekki það sem er sagt heldur hugsanleg túlkun, er algerlega galið. Dúalismi í fyrirsögnum á sér aldagamla sögu.

Menn vita ekki hvað þeir eru að kalla yfir sig. Ég efast stórlega um að Bubbi sjálfur vilji þetta. Hann sjálfur stórtapar á þessu peningalega. Eina, sú aleina sem græðir á þessu, er Sigríður Rut. Punktur. Allir aðrir tapa. Lýðurinn veit ekki eftir hverju hann er að öskra.

Þetta er til háborinnar skammar. Dómarar eiga að fara eftir lögum og byggja á staðreyndum í stað þess að vera í vafasamri vinsældakosningu. Enda engin tilviljun að virðing fyrir dómstólum fer mjög þverrandi.

Skömm sér dómurum. Skömm sé sofandahætti í blaðamannafélaginu. Skömm sé kollegum mínum í stéttinni fyrir að hafa ekki risið upp í mótmælaskyni. Því ég held að auminginn ég sé sá eini sem hefur skrifað gegn þessu bæði á press.is, sem eyminginn Biggi heldur lokuðu svo hann þurfi ekki að þola gagnrýni á sig og félagið, og svo í DV. Og svo nú þú Tótos minn. Hvað er að þessu skítapakki?

Þetta er s e l v l e g t í einu orði sagt: Skelfilegt!

Kveðja,
Jakob

Það er kominn tími til að Jakob Bjarnar fari að blogga. Hann nefnilega er farinn að laumast til að blogga í kommentakerfið hjá félögum sínum reglulega.

Elsku Brynja mín Björk!

Ég skil ekki þessa gremju sem mér finnst vera undirliggjandi í orðum þínum. Húmoristinn og hugsuðurinn Simmi Kastljósari, sem ég veit að þú hefur í miklum hávegum, kvartaði sáran undan því að athugasemdir mínar á síðu sinni væri of löng lesning fyrir sig. Ég tók að sjálfsögðu tillit til þess og hætti að pota í viðhorf hans og klappkórsins þar með þessum fítus sem heitir kommentakerfi. Þessar umkvartanir hans náðu reyndar út fyrir hans tiltekna netsvæði með óbeinum hætti því ég hef þurft að sæta snakillum skítköstum spúsu hans Þóru þar sem ég hef leyft mér að setja inn hugleiðingar á bloggsíðu Stefáns Pálssonar og Siggu Daggar. Eftir því sem mér skilst helst á þeim forsendum að ég skrifi of mikið en ekki því hvað segir í textanum :) Ef þau Sigga, Stefán og Tóti vilja að ég sleppi þessu mun ég taka fullt tillit til þess. Þar sem það á við. En vil endilega benda þeim sem eiga erfitt með að lesa texta sem er lengri en fjórar línur ... að, bara, sleppa lestrinum. Enginn neyddur, sjáðu.

Kveðjur,
Jakob

Ps. Fyrst ég er byrjaður... til að taka af öll tvímæli er óhætt að benda öllum áhugasömum um mannlegt eðli á að lesa síðu Simma. Þar má sjá hvernig stuttbuxnafrjálshyggjudeildin og öfgafemínisminn ná að stilla saman strengi sína með farsælum hætti þegar svo ber undir: Gott er að djóka þegar troðið er á rétti þeirra sem eru óvirðulegir og bóka má að séu illa þokkaðir af þorra lýðsins en verum staðföst og réttsýn þegar hallar á þá sem eru þóknanlegir.

Það er mikið til í því hjá Brynju að Jakob ætti að vera með eigið blogg þar sem honum liggur oft býsna margt á hjarta og er einkar lagið að setja þær fram skemmtilega. Fyrir utan það hversu dásamlega auðvelt hann á með að æsa fólk upp, stundum út af engu. Jakobsblogg væri þá ekki síst viðbragð við aumingjaskap saumaklúbbsins sem kallar sig Blaðamannafélag Íslands sem hefur ekki döngun í sér til að halda úti spjallvef en þar fékk síamstvíburinn minn burtklippti oft hressilega útrás.

Þetta breytir hins vegar engu um það að Bobba er frjálst að kommenta hér eins oft og hann vill og í jafn löngu máli og hann kærir sig um. Bara gaman að því enda væru kommentarar ekki sú plága sem þeir eru ef þeir væru allir jafn skemmtilegir og Jakob. En sé fólk almennt með kommentakerfi opin á síðum sínum þá þýðir lítið að vera að amast við því að þangað villist einhverjir sem vilja leggja orð í belg. Þoli maður það ekki er hægur vandi að gerast aumingi og loka kommentum eða auðvitað bara hætta að blogga.

Þá er líka vert að hafa hið fornkveðna í huga áður en maður hendir sér í ritdeilu á spjallþráðum og kommentum að það að rífast á netinu er eins og að keppa í Ólympíuleikum fatlaðra. Þó þú vinnir þá ertu samt þroskaheftur. Held það sé löngu tímabært að rifja þetta upp þegar jafn skarpgreindur maður og Hreinn Loftsson er farinn að svara hinum furðulega samansetta Páli Vilhjálmsyni á súrrandi geðveiku bloggi þess síðarnefnda.

En Jakob er hress og ég fíla kommentin hans yfirleitt og finnst nokkur fengur í því efsta hérna en held þar fyrir utan að gagnrýni á Sigmar Guðmundsson sé betur geymd í öllum öðrum skúmaskotum internetsins en akkúrat hér. Svona okkar vegna. Mér finnst amk eitthvað nett vandræðalegt við þetta.

... já, þú meinar það! Ég segi nú bara eins og Guðni og það við sjálfan mig: Obb bobb bobb. Bobbi! Skammastu þín. Alveg var ég búinn að steingleyma þessari tengingu. ;) Sorrí.

fokking kræst jakob, þú átt skilið orðu fyrir murder komment.
ég er samt ekki alveg dómbær því ég kemst aldrei í gegnum þau í heild sinni. ég tilheyri þeim stóra hópi fólks sem gefst upp eftir að hafa lesið uþb fjórar línur eftir þig.

varðandi orð þín um simma... fúff já þetta mun eflaust hafa skelfilegar afleiðingar.. kannski hrisstir hann hausinn? ..sjitt!

Hvaða vitleysa er þetta! Hvað er verið að blanda Simma greyinu í þetta mál. Jakob minn, auðvitað er ég bara örg yfir því að þú skulir ekki spamma kommentakerfið á minni síðu.