X-B rúlar feitt.

Hva, ertu ekki farinn til Cannes strákur?

Jú. Var að koma. Verð á Le Petit í kvöld.

þú ræður hvað þú kýst. svo segja þeir/þau ekki hvað verið er að pæla. já, tóti sjálfur, wtf. það var nú samt alveg séns á að breyta yfir til vinstri en það eru allt of margir fífl.

Takk fyrir síðast, Tóti minn. Ég er farinn á slopp! Staðhæfi enn og aftur - þú ert einhver albesti penni íslenskrar blaðamennsku. Vegni þér sem best, kæri félagi. Berðu Seljan og Jökulssyni kveðju mína...

Úff, hvað bloggfærslur eru fljótar að úreldast þessa dagana.

Maður spyr sig stundum í hvaða útópíska últraveruleika þú hrærist og hvað gerist á leiðinni frá Mokka á Roma. Annars fæ ég ekki betur séð en þessi færsla sé í fullu gildi. Rétt eins og allar færslur hljóta að vera sígildar sem sjálfstæð bókmenntaverk. Frátaldir eru færslur vitleysinganna sem blogga um fréttir eða reyna að blogga fréttir og hefur flestum verið smalað saman á Moggabloggið þar sem á bara eftir að skrúfa frá gasinu. Allt er þetta spurning um textatúlkun eða það sem í grunnskóla er kallað lesskilningur en það þarf varla að benda rithöfundi á það. Jafnvel þó sjónarsvið hans á tengsl texta, veruleika, skálskapar, lesanda ög höfundar sé þrengra en gullna hliðið.

Vá, ég er ekki svona djúpur. Þetta átti að vera vísir að hversdagslegu spjalli. Oftast þarf það ekki að virka illa að hafa vikugamla færslu eftst á bloggsíðunni en þegar hún fjallar um kosningaúrslit getur hún orðið fljót að úreldast. Núna er t.d. Framsókn kominn út í kuldann en þú varst ábyggilega sannfærður um að fá fjögur ár af þeim í viðbót þegar þú skrifaðir þetta. Fáðu þér síðan í glas - þú ert allt of geðvondur edrú. Enda langar þig þá svo í ...

Nornin hefur -etta aå segja -
http://acme.to/nornin/2007/02/12/ogeslegir_fullir_menn.php

Ógeðslegir fullir menn

Ég verð bara að segja ykkur frá vitleysunni sem ég, Gréta og Halldór lentum í um helgina.

Eftir partýið hjá mér fórum við 3 út á galeiðuna (makar fjarverandi) og vorum í mestu makindum að kneyfa öl á Grand Rokk þegar einhver maður fer að bögga Grétu.
Hann kynnir sig sem (nafn fjarlægt vegna beiðnar frá viðkomandi) tónlistarmann og er frekar fullur og asnalegur.
Dónalegur líka.
Ég ákvað að fokka aðeins í honum og bið hann um að láta kærustuna mína í friði... og með það sama fer dúddinn bara yfirum!
Hann er augljóslega með ferlega minnimáttarkennd og slatta af samkynhneigðarfóbíu!

Út úr honum renna viðurstyggileg orð og svífyrðingar um lesbíur. Staðhæfingar um að okkur hefði bara aldrei verið riðið almennilega og værum þess vegna lesbíur og annað mun persónulegra og ógeðslegra flæddi frá honum.

Ég læt náttúrulega ekki tala svona við mig eða vini mína og stóð því upp og bað hann um að hafa sig hægann og láta okkur í friði. En nei, fíflið hélt bara áfram að bölsótast út í lesbíur og náttúrulega mig persónulega...
Þarna kom annar barþjónninn til sögunnar.
Þetta var frekar gamall karl og hann spyr fulla fíflið hvað sé að.
Tónlistarmaðurinn fer að segja honum að helvítis lesbían sé með stæla og gamli barþjónninn (augljóslega líka með samkynhneigðarfóbíu) fer að spyrja MIG hvort við viljum ekki bara fara eitthvað annað!

Ég tjái honum að ég hafi lítinn áhuga á að láta henda mér út vegna dónaskapar einhvers annars og þá fer Tónlistarmaðurinn að ausa yfir mig ennþá meiri sora en hafði áður komið frá honum.
Ég ætla ekki einu sinni að skrifa hvað þessi viðbjóður sagði, því þá yrði ég að hafa bloggið mitt bannað innan 18 ára!

Þetta endaði auðvitað með að ég reiddist og ýtti við honum.
Þar sem Tónlistarmaðurinn sat uppi á barstól og var ógeðslega fullur, þá datt hann í gólfið!

Til að gera langa sögu ótrúlega stutta þá hefði gamli barþjónninn verið meira en til í að henda mér út eftir þennan atburð, en ungur barþjónn (sem verslar í búðinni minni og veit þess vegna hver ég er) reddaði þessu því hann var alveg með á nótunum um hvað var að gerast.

Það hvissaðist út um staðinn hvað var að gerast og ég heyrði aðeins síðar um kvöldið þegar einhver gaur var að segja vini sínum sem var nýkominn frá því hvað þessi ákveðni tónlistarmaður er mikið gerpi.

Ég verð bara að segja frá þessu því þetta fífl er ekki bara 'tónlistarmaður' heldur líka nýverið orðinn blaðamaður á DV. Fólk sem lítur á sig sem opinberar fígúrur og heldur að það sé svona mikið VIP á náttúrulega ekki að haga sér svona. Þetta er lítið land og það spyrst út ef þú hagar þér eins og ógeð.
Hann bloggar og ég get ekki annað en verið sorgmædd yfir því að hann segist vera stuðningsmaður VG og ásatrúarfélagsins. Menn eins og hann koma einmitt slæmu orði á félög og samtök sem þeir styðja.