Besti vinur minn var að senda frá sér bók og þar sem ég mun varla skrifa marga bókadóma í ár og hefði af siðferðislegum ástæðum aldrei getað skrifað um Þar sem Vegurinn endar verð ég bara að fá útrás fyrir stílfimi og frásagnargáfu míns góða vinar hér.

Hrafn er mælskasti og skemmtilegasti maður sem ég hef kynnst um langt árabil og þessir eiginleikar hans njóta sín í botn á hverri síður bókarinnar. Það gera líka frásagnargáfur hans og yfirgripsmikil þekking á öllu milli himins, jarðar og handan.

Ég hef oft gortað mig að því að saman séum við Hrafn svo pældir, mælskir og skemmtilegir að 19. aldar samtöl okkar mætti hæglega hlóðrita, gefa út á geisladisk og rokselja. Ég er ekki viss um að ég sé jafn skemmtilegur án Hrafns, nema auðvitað þegar félagi Gordon fyllir skarð hans. Ofvirkur hugur Hrafns er sístarfandi og þess eðlis að sá sem smitast ekki, hrífst með og kemst á í það minnsta lágflug í nærveru hans hlýtur að vera andlega geldur pappakassi.

Allir bestu þættir í fari Hrafns, gáfurnar, einlægnin og sterk tilfinningatjáningin gera þessa bók að skemmtilegri og hollri lesningu sem ég ætla ekki að mæla með heldur beinlínis skipa fólki að lesa.

Kolla klökknaði, Jón Óskar komst við og ég feldi nokkur tár. Ekkert okkar hefur hingað til beinlínis verið að drepast úr væmni.

Ég er stoltur af vini mínum og þessum kröftuga ópus sem hann hefur ort um lífið og sveitina sína í Trékyllisvík.

Þrátt fyrir að eiga að baki tvær meðferðir hef ég ekki enn sigrast á meðvirkninni. Gafst upp á Eddunni eftir fimmtán mínútur þegar aulahrollurinn ásamt hluttekningu með þessu vesalings fólki sem þarna var saman komið til að hossa sér gerði út af við mig.

Þrátt fyrir að eiga að baki tvær meðferðir hef ég ekki enn sigrast á meðvirkninni. Gafst upp á Eddunni eftir fimmtán mínútur þegar aulahrollurinn ásamt hluttekningu með þessu vesalings fólki sem þarna var saman komið til að hossa sér gerði út af við mig.

Þeir eru tveir Gordonarnir sem skipta einhverju máli. George Gordon Byron og svo bara Gordon. GGB er löngu dauður svo maður getur lítið annað gert en að vitna í hann. Félagi Gordon er hins vegar í fullu fjöri og er ómissandi þegar sest er til skrafs og ráðagerða.

Þeir eru tveir Gordonarnir sem skipta einhverju máli. George Gordon Byron og svo bara Gordon. GGB er löngu dauður svo maður getur lítið annað gert en að vitna í hann. Félagi Gordon er hins vegar í fullu fjöri og er ómissandi þegar sest er til skrafs og ráðagerða.

Stundum skila þessir fundir árangri og stundum ekki enda er eini gallinn við félaga Gordon sá að hann á það til (nánast undantekningalaust) að láta mjög slæmar hugmyndir líta út fyrir að vera góðar. En þannig er Gordon bara og ekki snýr maður baki við vinum sínum fyrir jafn litlar sakir.