Amma hefur komið víða við á langri ævi og hefur meðal annars komist í nokkurt návígi við goðsagnarkennda komma eins og Krútsjoff og Kastró.

Eftir eitthvert æðiskastið hjá Sameinuðu þjóðunum rauk Krútsjoff á klósettið með miklum látum. Amma varð á vegi hans á ganginum en Sovétleiðtoganum var svo mikið niðri fyrir að hann hrinti ömmu frekar tuddalega til hliðar.

Amma var mátulega hress með kallinn þá en við höfum hann samt alltaf í hávegum.

Kastró var allt annað mál. Amma hlustaði á hann halda eina af þessum margra klukkutíma ræðum og hafði þetta um Fídel að segja:

"Ég skildi ekki orð af því sem hann sagði en ég hef aldrei séð þokkafyllri mann á sviði."

Þannig var nú það. Krútsjoff er löngu dauður, Kastró segist vera hættur en amma er bara nokkuð hress.

Vefnum www.badabing.is hefur verið bjargað frá ónefndum hýsingaraðila útá landsbyggðinni sem tók vefinn í fóstur. Vildi ekki betur til en svo að þessi "fagaðili" færði vefinn á milli véla innanhúss - en hafði ekki rænu á að færa kerfið sem sér um virknina með. Beisik.

Eigandinn vefsins badabing.is hefur af þessum sökum ekki geta uppfært vefinn í þónokkurn tíma.

Ég þoli ekki fólk sem kann ekki að vinna vinnuna sína og tekur meira að segja peninga fyrir það, og ég finn verulega til með almenningi sem þarf að berjast við að fá þjónustu hjá sumum Internetfyrirtækjum. Það er nefnilega stundum vonlaust að fá þjónustu nema þú vitir hvað þú ert að tala um - tæknilega - og fólk á almennt ekki að þurfa að vita hvernig þetta virkar allt saman - þetta á bara að virka og ekki orð um það meir! Andskotinn hafi það.

Eigandi badabing.is þekkir hinsvegar fólk sem veit hvernig þetta á að virka og gat bjargað vefnum úr klóm vanhæfu kallanna. Vúhú!

badabing.is virkar í dag og mun halda áfram að virka þar sem vefurinn hefur fengið húsaskjól á stað þar sem svona asnaskapur kemur ekki fyrir.

Lengi lifi badabing.is!

-anna.is