 |
| 
| 
| 
| 
| 
| 
| 
|
Eldað fyrir einn: Pylsa dauðans
Fimmtudagur, 18. ágúst 2011
Ég þekki mann sem borðar Heinz-bakaðar baunir kaldar upp úr dósinni þegar mikið liggur við og Sóma-samlokurnar eru búnar í kælinum á bensínstöðinni. Hann kallar þetta „neyðarfæði“. Ég gæti ekki étið þennan viðbjóð þótt líf mitt lægi við. Ekkert frekar en ég gæti reykt Salem Lights þótt þær væru síðustu sígaretturnar í heimi. Mitt neyðarfæði er öllu vandaðara og rauða medisterpylsan frá Kjarnafæði hefur oft reynst mér vel á ögurstundu. Þetta er ódýrt og auðvelt í eldamennsku. Bragðgott og ekki spillir fyrir að það er gott sport að éta unnar kjötvörur. Pylsan er einfaldlega tekin og skorin niður í mátulega þykkar skífur. Síðan er skemmtilegt að skera skífurnar í sundur í miðu. Ágætt að vera með svona 5-6 skífur í bunka og kljúfa þær þannig. Á meðan pylsubitarnir krauma á pönnunni og fá á sig girnilega svarbrúnt yfirbragð er tilvalið að spæla þrjú egg, báðum megin, á hinni hellunni (já, ég er bara með tvær!) Svona einfalt einbúafæði þarfnast ekki frekara meðlætis og kartöflumús er til dæmis alveg af og frá þannig að rétturinn er klár á nokkrum mínútum og svíkur ekki. Verði ykkur að góðu! | 15:20 |
komment
Þetta er eðalfæði. Til hátíðarbrigða má brúka með venjulegt samlokubrauð, tómatssósu og sinnep. Eðalfæði á allra vörum. Nr. 1 | kolbeinn | 18.08.2011 | 15:41:38 | [+] |minnir mann óneitanlega á: skrifa komment
|
 |
First Aid
Mjölfiðlar
Bloggar
shit and stuff
|