» fjölmiðlar
 |
| 
| 
| 
| 
| 
| 
| 
|
|
Ofurmannlegir athyglisþjófar
Sunnudagur, 11. febrúar 2007
Úff. Þá verða þessir Við tækið pistlar ekki fleiri. Sem betur fer þar sem fátt er fánýtara, ef ekki hreinlega hallærislegra en skrif fólks um sjónvarpsgláp sitt. Hugsanlega fín æfing fyrir byrjendur en eftir sex ár. Fokk. Eftir draugfúla sjónvarpsmánuði í lok árs hrúgast nú inn áhugaverðir þættir á alla helstu sjónvarpspósta. Þættir sem hafa þegar fest sig í sessi eru áberandi og það er lítil hætta á því að maður fari að snúa baki við 24, Lost!, Desperate Housewives og Rome.
Tvær leiðir til að deyja
Föstudagur, 26. janúar 2007
Sjötti sólarhringurinn í lífi terroristaskelfisins Jack Bauer hófst á Stöð 2 á sunnudaginn. Heldur var af okkar manni dregið í þessum fyrsta þætti 24 þar sem hann sneri aftur eftir erfitt frí í Kína.
Læknir í teinóttu, lögfræðingur í hvítum sloppi
Mánudagur, 22. janúar 2007
Starfsstéttir sem maður myndi ætla að væru almennt frekar óspennandi hafa veitt amerískum sjónvarpsskáldum endalausan innblástur sem hefur skilað sér í ótrúlegum fjölda vinsælla sjónvarpsþátta.
Sálgreining á sjónvarpsþjóð
Laugardagur, 25. nóvember 2006
Ég er búinn að reyna að greina svo mörg torræð atómljóð í gegnum tíðina að ég er löngu hættur að taka mark á auglýsingum þar sem fjölmiðlar tíunda ágæti sitt með vísunum í lestrar- og áhorfskannanir. Niðurstöður rannsókna af þessu tagi eru nefnilega gæddar þeirri ónáttúru að hver sem er virðist geta lesið það sem honum sýnist út úr þeim.
Aukaleikarar sem geta verið aðal
Þriðjudagur, 21. nóvember 2006
Frábærir aukaleikarar eru eitt af því sem gerir Sopranos þættina að því sem þeir eru. Flestir hafa þessir leikarar úr heilmiklu að moða þar sem engu minna púður er sett í persónusköpun þeirra sem fylkja sér um mafíósann þéttholda Tony en hans sjálfs.
Góðir þættir á slæmum tíma
Mánudagur, 13. nóvember 2006
Sýningar á annari þáttaröð bandarísku gamanþáttanna Arrested Development eru byrjaðar á Stöð 2 og ekkert nema gott um það að segja. Manni finnst samt einhvern veginn að þessum frábæru þáttum mætti finna fínni stað í dagskrá stöðvarinnar en klukkan hálf ellefu á fimmtudagskvöldum.
Þegar hótelklám verður valkostur
Laugardagur, 04. nóvember 2006
Þrátt fyrir að vera haldinn sjónvarpsfíkn er ég að gefast upp á stöffinu mínu og þá einmitt efninu frekar en sjónvarpstækjum eða miðlinum sem slíkum. Leit mín að lífsfyllingu með fjarstýringarflakki er að verða æ krampakenndari og örvæntingarfyllri og eins og sakir standa fæ ég kikk út úr The Sopranos og My Name is Earl og þar með er það upptalið.
Upp með tehettuna!
Föstudagur, 27. október 2006
Björn Bjarnason dómsmálaráðherra mætti í viðtal við félagana Búa Berndsen og Andra Frey Viðarsson í útvarpsþættinum Capone á XFM í gærmorgun. Vægast sagt ólíklegur viðmælandi í galsafengnum morgunþætti sem gerir út á fíflagang tveggja orðháka.
Er lífið fótbolti?
Mánudagur, 23. október 2006
Ég á bágt með að trúa tröllasögunum um að RÚV hafi tryggt sér réttinn á útsendingum frá Evrópumótinu í knattspyrnu árið 2008 með yfirboði sem nemur allt að 100 milljónum og eru sóttar beint í vasa skattgreiðenda og skylduáskrifenda.
Karmareikningar í plús og mínus
Mánudagur, 16. október 2006
Ég hef enga yfirsýn yfir það hversu gott úrval af gamanþáttum sjónvarpsstöðvarnar bjóða upp á enda hneigist ég frekar til glæpa þegar það kemur að sjónvarpsglápi. Sjónvarpsgrínið höfðar því ekki til mín nema í örfáum tilfellum sem skýrsit að einhverju leyti að því að skopskyn mitt er svo brenglað og á lágu plani að ég hafði gaman að bóksöluþáttunum Stacked með Pamelu Anderson á Sirkus.
|
||||||||||||||||||||||||||||||||||||||||
