 |
| 
| 
| 
| 
| 
| 
| 
|
Skíthællinn og poppundrið
Laugardagur, 29. mars 2003
Martin Bashir fór að vonum illa út úr þættinum Michael Jackson: Taka 2 þar sem poppgoðið sýndi sína hlið á samskiptum þeirra félaga við gerð umdeildrar heimildarmyndar um stjörnuna. Bashir var afhjúpaður sem einn falskasti skíthæll fjölmiðlasögunnar. Það kom bara voðalega lítið á óvart þar sem annarlegur tilgangur hans fór aldrei á milli mála. Jackson átti völlinn, kom vel út og virkaði normal á köflum en annars verður þessi hlið hans á málinu varla til þess að breyta áliti manns á honum að einhverju ráði. Hann er enn sami stórskemmdi og brjóstumkennanlegi furðufuglinn. Gestgjafinn var einstaklega ósannfærandi í ýktri sannfæringu sinni um að hann væri boðberi sannleikans. Þá var það ansi hjákátlegt að það skyldi endalaust hamrað á því að Jackson hefði ekkert ritstjórnarvald yfir þættinum þó hann legði til allt efnið. Þá kaupi ég heldur ekki að dyggir starfsmenn hans hafi ákveðið að stíga fram til að segja heilagan sannleikann án þess að þiggja nokkra greiðslu fyrir. Þarf yfirleitt að borga fólki í þeirra stöðu fyrir að bera blak af yfirmanni sínum? Þá var barnsmóðirin vægast sagt dularfull þegar hún tók fúslega á sig allar dillurnar sem einkenna barnauppeldi Jacksons. | 19:09 |
komment
Einhver var að tala um að MJ væri "skemmdur" í gær þegar ég horfði á þáttinn. Svo fór ég að hugsa og komst að því að í fljótu bragði þá dettur mér ekkert í hug sem er "skemmt" við MJ, nema þá náttúrulega nefið á honum og svo húðina sem ku vera skemmd af náttúrulegum orsökum. Hvað finnst þér vera svona skemmt við MJ Tóti minn? Nr. 1 | Laugurinn sjálfur | 29.03.2003 | 22:32:23 | [+] |Æi, Gulli maðurinn er handónýtur. Let´s face it. Hann er Leoncie með allt of mikil fjárráð og Joe Jackson fyrir pabba. Nr. 2 | Tóti sjálfur | 29.03.2003 | 23:34:50 | [+] |Ég myndi frekar kalla hann mjög sérvitran þar sem ég sé ekki að neinn sé að bíða neinn skaða vegna hegðunar hans. Eyðslugeðveikin og það allt, ekki endilega skemmdir - bara fullt fullt af fokkin peningum til að eyða. Annars ótengt þessu algjörlega, þá var ég að muna að mamma sagði mér fyrir nokkru síðan að hún hefði heyrt að Michael Jackson væri Hitler endurfæddur og hann væri að bæta fyrir illvirkin í fyrra lífi. Meikar það ekki fínan sems? Nr. 3 | Laugurinn sjálfur | 30.03.2003 | 4:02:49 | [+] |Laugurinn: Það er frétt útaf fyrir sig að Tóti sjái aumur á MJ. Þegar ég fór til US í denn sem skiptinemi bar hann fram eina ósk: "Ef þú sérð Michael Jackson, viltu sparka í hann fyrir mig?" Ég sá ekki MJ og hefði ekki sparkað í hann ef ég hefði rekist á hann. Ég fagna því að þú komir honum til varnar. Trúi reyndar ekki að hann sé Hitler endurborinn, þó að það væri vissulega íronískt þar sem MJ fæddist svartur. Ef Hitler ætlaði að bæta fyrir gjörðir sínar þyrfti hann líklega að finna upp lækningu við krabbameini til að bjarga nógu mörgum, auk þess sem mér fyndist rétt að hann væri hafður af gyðingaættum þegar hann endurfæðist. Því miður þá trúi ég ekki á endurfæðingar svo þetta er allt ónýtt... Nr. 4 | anna.is | 30.03.2003 | 10:17:41 | [+] |skrifa komment
|
