fjölmiðlar: Leiðindi.is

Leiðindi.is

Sunnudagur, 27. apríl 2003

Ég villtist af og til inn á beina útsendingu frá fegurðarsamkeppninni Ungfrú Ísland.is á Skjá einum á föstudaginn. Keppnin snýst að sögn alls ekki um ytri fegurð, heldur þá innri með tilheyrandi áherslu á akademískan metnað og háleita framtíðardrauma keppenda.
Þetta er sjálfsagt versta sjónvarpsefni sem sögur fara af og slær allt annað út í leiðindum. Maður getur svo sem skilið fólk sem nennir að hanga fyrir framan sjónvarpið og horfa á bíla keyra sama hringinn út í hið óendanlega, 22 menn eltast við bolta, menn spila snóker eða golf, enda eru þetta þó hlutir sem hlýtur að vera skemmtilegra að stunda en horfa á.

Fegurðarsamkeppnirnar geta ekki einu sinni talið sér það til tekna að áhorfendur vilji innst inni taka þátt. Það er ekki annað hægt en að vorkenna stelpunum sem standa í þessu basli og fá ekkert að launum nema augnabliksathygli.
Sú sem vinnur fær þó væntanlega aðeins meira fyrir sinn snúð, ársbyrgðir af farða og afnot af bíl merktum einhverjum kostunaraðilanum eða eitthvað álíka. Það er ekki neitt samanborið við tímakaup. Schumachers, Tiger Woods og Beckhams enda ráða markaðslögmálin hér eins og annars staðar og því er ekki sanngjarnt að etja .is dömunum í mannjöfnuð við íþróttamennina í sjónvarpinu. Það vilja miklu fleiri fylgjast með þeim og þrátt fyrir innihaldslausa iðju þeirra er skemmtigildið meira.
Vilji menn á annað borð sjónvarpa dulbúnum kroppasýningum er þá bara ekki ráðið að ganga hreint til verks og fara með tökuvélarnar til Geira á Goldfinger? Maður gæti enst yfir því.

| 20:35 |

komment

Held að þetta snúist um að fá athygli og svo eru stelpurnar sumar náttúrulega að pródúsera feril sem fyrirsætur - gott exposure í svona keppni. Keppnishaldarar eru náttúrulega að þessu eingöngu fyrir peningana að sjálfsögðu. Co-branding dauðans og allt það.

Annars held ég að fólk taki þátt í keppnum til að fá athygli frá hinu kyninu í 90% tilvika. Ég tók þátt í hljómsveitarkeppninni Rokkstokk (og vann náttúrulega) á sínum tíma, allavega að hluta til vegna þess að ég var svo graður og vildi að stelpurnar sæu hvað ég væri æðislegur listamaður.

Veit ekki hvort þessar .is stelpur séu neitt rosa graðar samt...

Jú þær eru pottþétt graðar. Við skulum allavega halda það Tóti því þá verður auðveldara að glápa á þetta á næsta ári...

Nr. 1 | Laugurinn sjálfur | 28.04.2003 | 7:33:19 | [+] |

Sammála því að heiminum er snúið áfram af graðfolum. En ef Organistinn má breyta umræðunni frá greddu í veftímarit, þá er athyglisverð grein á viðskiptasíðu NYT um veftímarit í Bandaríkjunum: http://www.nytimes.com/2003/04/28/business/media/28SLAT.html

Ekkert minnst á Badabing! þarna, en mér virðist vefblaðamaðurinn Tóti hafi um tvo kosti að ræða: verða hinn íslenski Matt Drudge ellegar fá Samson eða Kolkrabbann til að halda úti veftímariti fyrir sig.

En hvernig er þessu varið á Íslandi. Eru öll veftímarit unnin í sjálfboðavinnu? Hver er að fjármagna þetta? Væri þetta ekki fínt efni í umfjöllun í Fbl, svona inn á milli typpamyndanna?

BTW, hefur Tóti farið nýlega á vefsíðu Egils Helgasonar? Þetta er eins og að komast í góðan fornleifagröft. Síðan er antík sem verður verðmætara með hverjum deginum.

Nr. 2 | Organistinn | 28.04.2003 | 18:29:41 | [+] |

Þú spurðir um zippið mitt. Það er auðvitað ókurteisi að svara svona seint, en það er 48222, neðarlega.

Ps, þessar stelpur eru allar hjólgraðar eða kúgaðar (þekkjast á því að kærastinn skráði þær).

Nr. 3 | AlanHudson | 28.04.2003 | 22:41:55 | [+] |