» kvikmyndir
 |
| 
| 
| 
| 
| 
| 
| 
|
|
Góður landi
Föstudagur, 02. september 2011
Á annan veg Árið er 1980 og eitthvað. Alfreð og Finnbogi eru lengst uppi á heiði að mála gular línur á þjóðveginn og reka stikur í vegkanta. Þeir félagar eiga fátt sameiginlegt. Alfreð er 24 ára gosi sem hugsar um fátt annað en kynlíf og næsta djamm en Finnbogi er 33 ára alvörugefinn pælari sem hyggur á háskólanám í þýsku.
Meðal róna og geimdóna í Arizóna
Föstudagur, 12. ágúst 2011
Mannkynið er frekar heimskt og leiðinlegt og hefur stundað það frá örófi alda að berast á banaspjót innbyrðis á alls konar bjánalegum forsendum eins og litarhætti, trú og landafræði. Ef eitthvað er að marka bíómyndir getur ekkert sameinað okkur annað en utanaðkomandi ógn. Eitthvað ómennskt og ekki af þessum heimi sem ógnar rétti okkar (Independence Day) til þess að kúga og drepa hvert annað í friði.
Úti er magnað ævintýri
Fimmtudagur, 14. júlí 2011
Ævintýrið um galdrastrákinn Harry Potter hefur staðið yfir í fjórtán ár. Ballið byrjaði árið 1997 þegar fyrsta bók J.K. Rowling, Harry Potter og viskusteininn, sló hressilega í gegn. Strax í upphafi lá fyrir að bækurnar um baráttu Harrys við hinn illa Voldemort yrðu sjö og næstu ár biðu fjölmargir aðdáendur Harrys reglulega í andnauð eftir framhaldi á ævintýrinu.
Allir eru í Kúng Fú-fætingi
Föstudagur, 10. júní 2011
Teiknimyndin um pönduna og lánlausa núðlukokkinn Po, sem komst loks í snertingu við sinn innri slagsmálahund og varð mikil hetja, var bráðskemmtileg. Ekta ævintýri sem skemmti börnum jafnt sem fullorðnum og ekki svíkur framhaldsmyndin sem er í raun betri í alla staði.
Úrvalsdeild ofurhetja
Föstudagur, 03. júní 2011
Sá dásamlegi og alltof sjaldséði leikari Kevin Bacon skýtur hér upp kollinum í útrýmingarbúðum nasista. Hann leikur Sebastian Shaw, einhvers konar yfirnáttúrulega útgáfu af Jósef Mengele, sem kemst heldur betur í feitt þegar á fjörur hans rekur gyðinginn unga, Erik Lensherr.
Skemmtilega sjúklega sjúkt
Laugardagur, 08. janúar 2011
Klovn The Movie Þeir sem hafa kynnst dönsku bjánunum Frank og Casper í sjónvarpsþáttunum Klovn vita nákvæmlega að hverju þeir ganga í bíómyndinni um þá félaga. Þetta er bara stærri skammtur, grófari og þar af leiðandi á köflum fyndnari. Myndin er þó nokkuð veikari en bestu Klovn-þættirnir en inn á milli taka þeir félagar algerlega óborganlega spretti þar sem maður tárast bókstaflega af hlátri.
Sigling þjakaðra sála
Mánudagur, 04. október 2010
Brim Vesturportshópurinn telur óvenju marga urrandi talenta og í þessari kvikmyndaaðlögun verðlaunaleikritsins Brim sýnir leikhópurinn allur sínar bestu hliðar undir styrkri leikstjórn Árna Ólafs Ásgeirssonar.
Magnað maður, magnað
Miðvikudagur, 18. ágúst 2010
The Expendables Vissulega má segja margt misjafnt um Sylvester Stallone sem leikara og leikstjóra. Til dæmis er sú skoðun frekar útbreidd að hann sé vonlaus leikari, málhaltur, klisjukenndur með eindæmum og fullkomlega staðnaður. Það verður þó aldrei tekið af honum að hann kann að senda vonda kalla til heljar á færibandi með miklum tilþrifum.
Brimsölt hasargella
Laugardagur, 14. ágúst 2010
Salt Þráhyggjukennd dýrkun mín á Angelinu Jolie er ekkert feimnismál og ég fer aldrei ofan af því að þegar kemur að fegurð og kynþokka þá er Angelina náttúruafl enda er hún bæði í lífi og starfi tálkonan holdi klædd.
Frábær draumur
Fimmtudagur, 22. júlí 2010
Inception Christopher Nolan er einn allra flinkasti og leikstjórinn í bransanum þessi árin. Hann hefur varla misstigið frá því hann vakti athygli með Memento árið 2000 þótt vissulega séu myndir hans ekki allar jafn góðar. Ekki þarf að fjölyrða um það stórvirki hans að hefja Leðurblökumanninn til vegs og virðingar á ný með hinni líflegu Batman Begins og meistarastykkinu The Dark Knight.
|
||||||||||||||||||||||||||||||||||||||||
 |
First Aid
Mjölfiðlar
Bloggar
shit and stuff
|